Býður sig fram sem formaður Sjómannafélags Íslands fyrst kvenna

Heiðveig María Ein­ars­dóttir, sjó­maður og við­skipta­lög­fræð­ingur, til­kynnti í dag fram­boð sitt til for­manns Sjó­manna­fé­lags Íslands. Fram­boðið til­kynnti hún á Facebook síðu sinni í dag.

Bar­áttu­mál hennar eru að bæta úr því sem hún kallar skort á sam­stöðu sjó­manna og aðgerð­ar­leysi for­yst­unnar. 

„Ég vil í fram­haldi af þess­ari ákvörðun örva umræðu meðal sjó­manna og kalla á sama tíma eftir áhuga­sömu fólki til að vinna að og móta stefnu fram­boðs­ins.“ segir meðal ann­ars í til­kynn­ing­unni.

Heiðveig er á meðal fárra kvenna í félag­inu og fyrsta konan til að bjóða sig fram í stjórn félags­ins. Hún lýsti yfir fram­boði sínu í tölvu­pósti til stjórnar félags­ins í maí þar sem hún meðal ann­ars óskaði eftir upp­lýs­ingum um hvernig mót­fram­boðum gegn sitj­andi stjórn væri háttað og einnig um upp­lýs­ingar árs­reikn­inga síð­ustu þriggja ára. Þrátt fyrir ítrekun fékk hún ekk­ert svar frá for­yst­unni. 

„Ég skal leyfa mér að full­yrða það að það er engin önnur stétt á Íslandi, aðrir en opin­berir starfs­menn, sem eru með kjör sín jafn bundin í lög og sjó­menn,“ segir Heiðveig í sam­tali við Stundina. „Það er mikið af laga­greinum sem snerta kjör okkar.“

Stundin fjall­aði um umsögn Heið­veigar við veiði­gjalda­frum­varpi Krist­jáns Þórs Júl­í­us­sonar sjáv­ar­út­vegs- og land­bún­að­ar­ráð­herra í gær, en þar minn­ist Heiðveig meðal ann­ars á að lögin snerti kjör sjó­manna enn frekar.