Einar Þór Sverr­is­son, stjórn­ar­for­maður 365 miðla, segir í yfir­lýs­ingu að Guð­mundur Krist­jáns­son, útgerð­ar­maður og aðal­eig­andi Brims, fari fram með dylgjum, vegi að starfs­heiðri blaða­manna Frétta­blaðs­ins og að hann umgang­ist ekki sann­leik­ann eða lög og reglur sam­fé­lags­ins með réttum hætti.

Þetta harka­lega orða­lag er til­komið vegna yfir­lýs­ingar Guð­mundar frá því fyrr í dag, í til­efni fréttar Frétta­blaðs­ins um rann­sókn Sam­keppn­is­eft­ir­lits­ins á meintum sam­keppn­islaga­brotum Guð­mundar. Í yfir­lýs­ingu Guð­mundar kom fram að rétt sé að Sam­keppn­is­eft­ir­litið hafi til skoð­unar tvö atriði en ekki fjögur líkt og kom fram í frétt Frétta­blaðs­ins. Þá klikkir Guð­mundur út með eft­ir­far­andi setn­ingu: „En vegna for­síðu­fréttar Frétta­blaðs­ins má geta þessa að stjórn­ar­for­maður Frétta­blaðs­ins er einnig lög­maður meiri­hluta­eig­enda Vinnslu­stöðv­ar­innar  í Vest­manna­eyjum hf. og vara­for­maður stjórnar VSV.“

Einar Þór er afar ósáttur við þetta nið­ur­lag í yfir­lýs­ingu Guð­mundar og segir hann Guðmund með þessum orðum gera lítið úr öllum blaða­mönnum og rit­stjórum Frétta­blaðs­ins, vega að starfs­heiðri þeirra og dylgja um að þeir lúti boð­valdi stjórnar varð­andi frétta­flutn­ing. Þá segir Einar í sinni yfir­lýs­ingu: „Ég hef oft séð til þess að það fer ekki Guðmundi Krist­jáns­syni vel að umgang­ast sann­leik­ann og lög og reglur sam­fé­lags­ins með réttum hætti. Þann veik­leika sinn getur hann ekki yfir­fært yfir á aðra.

 Um yfir­lýs­ingu Guð­mundar verður það eitt sagt að margur heldur mig sig.“