Þegar Ragnar Þór Ingólfsson var í fyrra kosinn formaður VR, stærsta stéttarfélags landsins, töldu margir að hann og róttæku skoðanir hans væru einangraðar og myndu ekki hafa mikil áhrif. Ragnar komst fyrst í stjórn VR í hallarbyltingu 2009 og hafði lengi talað fyrir því að stéttarhreyfingin ætti að berjast fyrir hagsmunum alþýðunnar en ekki fjármálaaflanna, og framboð hans til formanns var uppreisn gegn „risaeðlunum“ sem hafa að hans sögn farið með stjórn ASÍ of lengi. Hann lýsti sérstaklega yfir vantrausti gegn Gylfa Arnbjörnssyni, forseta ASÍ, sem hefur farið með embættið í áratug.

Ekki er víst hvort yfirburðasigur Ragnars gegn sitjandi formanni VR hafi hafið atburðarás byltinga innan fleiri félaga eða sé hluti af nýjum róttækari tíðaranda, en ári síðar fór fram fyrsta lýðræðislega kosning Eflingar, næststærsta stéttarfélag Íslands, þar sem róttækur sósíalisti bar sigur úr býtum. Einnig hefur Gylfi látið vita að …