Stöðvuð við dreifingu kynningarefnis í Valhöll

Starfs­fólk Sjálf­stæð­is­flokks­ins hafði afskipti af dreif­ingu kynn­ing­ar­efnis fyrir fram­boð Áslaugar Frið­riks­dóttur í leið­toga­próf­kjör­inu í Reykja­vík á hádeg­is­fundi Hvatar, félags sjálf­stæð­iskvenna, í Valhöll í gær.

Ástæðan er sú að utan­kjör­fund­ar­at­kvæða­greiðsla var í gangi í sömu bygg­ingu meðan á fund­inum stóð og áróður er bann­aður á kjör­stað. 

Áslaug segir í sam­tali við Stundina að sér hafi komið á óvart að hún mætti ekki kynna fram­boðið sitt á fund­inum, enda hafi atkvæða­greiðslan farið fram á annarri hæð í bygg­ing­unni. 

Hún tekur fram að venju­lega hafi Hvöt staðið að sér­stökum fundi fyrir kven­fram­bjóð­endur í Reykja­vík, en nú hafi hún verið eina konan sem var í fram­boði.

Haldinn hafi verið hádeg­is­fundur um nýsköpun í opin­berri þjón­ustu og sér verið boðið að halda erindi ásamt fleiri sjálf­stæð­is­konum. 

„Kannski eru menn eitt­hvað að fara á taugum. Ef svo er ég þá lít ég á þetta sem styrk­leika­merki fyrir mitt fram­boð,“ sagði Áslaug í gær þegar Stundin og Vísir.is greindu frá því að hann hefði verið meinað að halda erindi á fund­inum á þeim grund­velli að áróður á kjör­stað væri bann­aður. 

„Það er langt síðan fund­ur­inn var aug­lýstur og það hefði þá átt að gera athuga­semd við þetta fyrr,“ segir Áslaug í sam­tali við Stundina og stað­festir að höfð hafi verið afskipti af dreif­ingu hennar á kynn­ing­ar­efni. Hún seg­ist hafa talið sig vera í fullum rétti til að dreifa slíku efni á fund­inum, enda væri kjör­staður ekki á þeirri hæð sem fund­ur­inn fór fram heldur á annarri hæð í bygg­ing­unni.