Þessi grein birtist upphaflega í Stundinni fyrir meira en 7 árum.

Stjórnarflokkarnir skammta sér hátt í 200 milljónir í viðbót úr ríkissjóði

Meiri­hluti fjár­laga­nefnd­ar Al­þing­is vill að fram­lög hins op­in­bera til stjórn­mála­flokka verði hækk­uð um 362 millj­ón­ir króna, en ekk­ert ligg­ur fyr­ir um auk­ið eft­ir­lit með fjár­mál­um stjórn­mála­sam­taka.

Stjórnarflokkarnir skammta sér hátt í 200 milljónir í viðbót úr ríkissjóði

Meirihluti fjárlaganefndar Alþingis vill að framlög hins opinbera til stjórnmálaflokka verði hækkuð um 362 milljónir króna. Hugmyndir Pírata um að samhliða yrði veitt aukaframlag til Ríkisendurskoðunar til að efla eftirlit með fjármálum stjórnmálaflokka fengu hins vegar ekki hljómgrunn að sögn Björns Levís Gunnarssonar, fulltrúa flokksins í fjárlaganefnd. 

Uppfært kl. 20:05: Björn Leví segir að misskilnings hafi gætt og ekki hafi verið sanngjarnt að kenna öðrum flokkum um að hugmyndir Pírata um viðbótarframlag til Ríkisendurskoðunar fengu ekki brautargengi, enda hafi aldrei verið tekin formleg afstaða til málsins.

Sveitarstjórnarkosningar fara fram á næsta ári og er fjárhagsstaða Vinstri grænna og Framsóknarflokksins slæm, enda skuldsettu báðir flokkar sig umtalsvert í aðdraganda Alþingiskosninga. 

Eins og Stundin greindi nýlega frá fóru fulltrúar allra stjórnmálaflokka á Alþingi nema Pírata og Flokks fólksins fram á það við fjárlaganefnd að útgjöld ríkisins vegna starfsemi stjórnmálaflokka yrðu um 362 milljónum meiri á fjárlagaárinu 2018 heldur en gert var ráð fyrir í fjárlagafrumvarpinu sem Bjarni Benediktsson lagði fram þann 14. desember. Þetta er um helmingur þess sem stjórnendur Landspítalins telja að vanti upp á til að geta haldið sjó í rekstri spítalans og tryggt sjúklingum viðeigandi þjónustu. 

Í dag lagði meirihluti fjárlaganefndar, sem samanstendur af fulltrúum Framsóknarflokksins, Sjálfstæðisflokksins og Vinstri grænna, fram breytingartillögu við fjárlagafrumvarpið þar sem komið er að fullu til móts við kröfur stjórnmálaflokkanna. Hins vegar er ekki að neinu leyti komið til móts við óskir Landspítalans um aukin framlög.

Ef sú aukning sem lögð er til í breytingartillögu meirihlutans verður að veruleika má gera ráð fyrir, samkvæmt lauslegum útreikningum, að í kringum 90 milljónir renni aukalega til Sjálfstæðisflokksins á árinu 2018, um 60 milljónir til Vinstri grænna og um 40 milljónir til Framsóknarflokksins. Samtals eru þetta hátt í 200 milljónir.

Ríkisstjórnin samþykkti á fundi í morgun að skipuð yrði nefnd um endurskoðun laga um fjármál stjórnmálasamtaka og frambjóðenda og um upplýsingaskyldu þeirra.

Katrín Jakobsdóttir forsætisráðherra greindi frá áformum um skipun nefndarinnar á þriðjudag í svari við fyrirspurn Þorgerðar Katrínar Gunnarsdóttur, formanns Viðreisnar, um nafnlausan kosningaáróður.

„Ég hef í hyggju að óska eftir því við framkvæmdastjóra stjórnmálaflokkanna að þeir setjist sjálfir, eða tilnefni aðila til þess, saman í nefnd til að fara yfir lögin um fjárreiður stjórnmálaflokka. Hluti af því sem þar þarf að vera undir er auðvitað hvernig eigi að fara með pólitískar auglýsingar eða pólitísk skilaboð sem eru nafnlaus og fjármögnun þeirra,“ sagði Katrín og bætti við að hugsanlega yrði óskð eftir aðkomu Ríkisendurskoðunar að málinu. Það væri hagsmunamál allra að stjórnmálaflokkar væru reknir „með sem gagnsæjustum hætti“. 

Þrátt fyrir að nefndin hafi ekki verið skipuð og engum aðgerðum hafi verið hrint í framkvæmd til að stuðla að auknu gagnsæi stjórnmálastarfsemi vill meirihluti fjárlaganefndar stórauka framlög hins opinbera til stjórnmálaflokkanna í takt við tillöguna frá fulltrúum allra flokka nema Pírata og Flokks fólksins. 

Uppfært kl. 20:10: Ummælin hér að neðan voru höfð eftir í dag, en eru að hluta til sprottin af misskilningi og verða að skoðast í því ljósi:

Björn Leví Gunnarsson, fulltrúi Pírata í fjárlaganefnd, segir að öllum tillögum flokksins í tengslum við fjármál stjórnmálasamtaka hafi verið hafnað. 

„Píratar lögðu til nokkrar breytingar á fjármögnun stjórnmálaflokkanna sem var öllum hafnað, til dæmis að bætt yrði í hjá Ríkisendurskoðun til þess að hægt væri að fylgjast betur með fjármálum stjórnmálaflokkanna sem og sérstöku framlagi sem myndi dreifast jafnt á alla flokka. Markmiðið með því var að jafna rekstrarstöðu flokka sem allir þurfa að standa undir ákveðnum grunnkostnaði óháð stærð,“ segir hann í samtali við Stundina. 

„Fjárlaganefnd fékk afar skamman tíma til þess að fjalla um fjárlagafrumvarpið. Til að mynda var velferðarhluti frumvarpsins kynnntur á hálftíma. Fjórðungur fjárlaga fékk hálftíma kynningu á meðan 362 milljóna tillaga stjórnmálaflokkanna fékk jafn langan tíma, tillaga stjórnmálaflokkanna um aukin framlög til þeirra sjálfra. Niðurstaðan eftir breytingatillögur meiri hlutans er að stjórnin mun skila heilbrigðiskerfinu í tapi í lok árs.“

Kjósa
0
Hvernig finnst þér þessi grein? Skráðu þig inn til að kjósa.

Athugasemdir

Allar athugasemdir eru ábyrgð á þeirra sem þær skrifa. Heimildin áskilur sér rétt til að fjarlægja ærumeiðandi og óviðeigandi athugasemdir.
Tengdar greinar

Fjármál stjórnmálaflokka

Mest lesið

Var krabbamein í sýninu?
1
Viðtal

Var krabba­mein í sýn­inu?

Bylgja Babýlons uppist­and­ari seg­ir ým­is­legt benda til að hún hafi feng­ið ranga grein­ingu úr skimun fyr­ir leg­hálskrabba­meini hjá Krabba­meins­fé­lag­inu ár­ið 2018 líkt og fleiri kon­ur. Hún greind­ist með krabba­mein rúm­um tveim­ur ár­um síð­ar. „Ég vil bara vita hvort það liggi ein­hvers stað­ar sýni úr mér á Ís­landi frá ár­inu 2018 merkt „hreint“ þeg­ar það er í raun og veru krabba­mein í því.“
„Ég vildi ekki vera stelpan sem öskraði stopp“
2
Skýring

„Ég vildi ekki vera stelp­an sem öskr­aði stopp“

Yf­ir helm­ing­ur þeirra sem vinna inn­an sviðslista á Ís­landi hafa orð­ið fyr­ir kyn­ferð­is­legri áreitni í starfi eða í tengsl­um við það. Á ís­lensk­um vinnu­mark­aði al­mennt er sú tala 16%. Hver er staða nánd­ar­þjálf­un­ar á Ís­landi? „Ég var svo varn­ar­laus, þar sem leik­stjór­inn (kk) sam­þykkti þetta allt,“ kom fram í einni sög­unni í yf­ir­lýs­ing­unni Tjald­ið fell­ur ár­ið 2017. Hér er rætt er við leik­ara og aðra sem þekkja til.

Mest lesið

Mest lesið í vikunni

Var krabbamein í sýninu?
3
Viðtal

Var krabba­mein í sýn­inu?

Bylgja Babýlons uppist­and­ari seg­ir ým­is­legt benda til að hún hafi feng­ið ranga grein­ingu úr skimun fyr­ir leg­hálskrabba­meini hjá Krabba­meins­fé­lag­inu ár­ið 2018 líkt og fleiri kon­ur. Hún greind­ist með krabba­mein rúm­um tveim­ur ár­um síð­ar. „Ég vil bara vita hvort það liggi ein­hvers stað­ar sýni úr mér á Ís­landi frá ár­inu 2018 merkt „hreint“ þeg­ar það er í raun og veru krabba­mein í því.“
„Ég vildi ekki vera stelpan sem öskraði stopp“
6
Skýring

„Ég vildi ekki vera stelp­an sem öskr­aði stopp“

Yf­ir helm­ing­ur þeirra sem vinna inn­an sviðslista á Ís­landi hafa orð­ið fyr­ir kyn­ferð­is­legri áreitni í starfi eða í tengsl­um við það. Á ís­lensk­um vinnu­mark­aði al­mennt er sú tala 16%. Hver er staða nánd­ar­þjálf­un­ar á Ís­landi? „Ég var svo varn­ar­laus, þar sem leik­stjór­inn (kk) sam­þykkti þetta allt,“ kom fram í einni sög­unni í yf­ir­lýs­ing­unni Tjald­ið fell­ur ár­ið 2017. Hér er rætt er við leik­ara og aðra sem þekkja til.

Mest lesið í mánuðinum

Hefði ekki dottið í hug að ráða sjálfan sig
2
Viðtal

Hefði ekki dott­ið í hug að ráða sjálf­an sig

Bogi Ág­ústs­son hef­ur birst lands­mönn­um á skján­um í yf­ir fjóra ára­tugi og flutt Ís­lend­ing­um frétt­ir í blíðu og stríðu. Hann seg­ir heim­inn hafa breyst ótrú­lega mik­ið til batn­að­ar á þess­um ár­um en því mið­ur halli á ógæfu­hlið­ina í rekstri fjöl­miðla á Ís­landi. Af öll­um þeim at­burð­um sem hann hef­ur sagt frétt­ir af lögð­ust snjóflóð­in fyr­ir vest­an ár­ið 1995 þyngst á hann. Enn þann dag í dag man hann hvernig var að þurfa að lesa upp nöfn þeirra sem dóu í flóð­inu á Flat­eyri.
Hver er Jón Óttar? - „Ég hef sjálfur fylgst með fólki mánuðum saman“
3
Fréttir

Hver er Jón Ótt­ar? - „Ég hef sjálf­ur fylgst með fólki mán­uð­um sam­an“

Jón Ótt­ar Ólafs­son, einn þeirra sem stund­aði njósn­ir fyr­ir Björgólf Thor Björgólfs­son ár­ið 2012, gaf út glæpa­sögu ári síð­ar þar sem að­al­sögu­hetj­an er lög­reglu­mað­ur sem stund­ar hler­an­ir. Jón Ótt­ar vann lengi fyr­ir Sam­herja, bæði á Ís­landi og í Namib­íu, en áð­ur hafi hann ver­ið kærð­ur af sér­stök­um sak­sókn­ara, sem hann starf­aði fyr­ir, vegna gruns um að stela gögn­um.

Mest lesið í mánuðinum

Nýtt efni

Mest lesið undanfarið ár