Starfsfólk Barnaverndarnefndar Reykjavíkur hefur árum saman varist beinum afskiptum Braga Guðbrandssonar, forstjóra Barnaverndarstofu, af einstökum barnaverndarmálum, þar sem Bragi grípur inn í mál, kippir einstökum börnum fram fyrir röðina í meðferðarúrræðum án samráðs við barnavernd, úrskurðar um viðkvæm málefni án fullnægjandi upplýsinga og fer harkalega gegn barnaverndarnefnd og starfsmönnum hennar. Barnaverndarnefnd Reykjavíkur og fleiri barnaverndarnefndir á landinu hafa lagt fram kvartanir til félagsmálaráðuneytisins og bíður ráðuneytið svara Braga vegna umfangsmikilla kvartana. 

„Ég er alveg rólegur yfir þessu,“ segir Bragi. „Ég held að gögnin eigi eftir að leiða í ljós að þetta hafi verið stormur í vatnsglasi.“ 

Að miklu leyti snúa kvartanirnar að samskiptaháttum Braga. Fyrrverandi forstöðukona Barnahúss, Vigdís Erlendsdóttir, segist í samtali við Stundina hafa leitað til stéttarfélags og félagsmálaráðuneytisins vegna samskiptahátta og truflana af völdum forstjóra Barnaverndarstofu. Hún hafi „hvorki fyrr né síðar“ upplifað samstarf eins og þetta. „Það gekk á með einkennilegum samskiptum,“ segir hún. Hennar mál er …