Nýverið til­kynnti Theodóra S. Þor­steins­dóttir, þing­maður Bjartrar fram­tíðar, afsögn sína af Alþingi. Af því til­efni sagði hún í við­tali við Kópa­vogs­blaðið frá þeirri upp­lifun sinni af þing­inu, að það væri óskil­virkt og fremur eins og mál­stofa heldur en að þar færi fram stefnu­mótun og fram­kvæmd verk­efna, líkt og hún þekkti af sveit­ar­stjórn­ar­stig­inu. Hún sagði flest mál koma til þings­ins úr ráðu­neytum í gegnum rík­is­stjórn. Þingmenn hafi svo aðeins þá aðkomu að fjalla um mál fram­kvæmd­ar­valds­ins, en komi „hvergi að neinni stefnu­mótun eða ákvarð­ana­töku um strauma og stefnur“. 

Sam­þing­maður Theodóru í Bjartri fram­tíð, Nichole Mosty, tók undir þessa lýs­ingu og sagð­ist í við­tali við Mbl. upp­lifa þingið á svip­aðan hátt. Hún bætti því við að á þing­inu skorti eft­ir­fylgni og að þing­menn væru „svo langt frá því að geta haft áhrif“.

Þing­maður Pírata, Smári McCarthy, tók undir með þeim báðum í færslu á Facebook og sagði að ummæli þeirra fælu í …