Nafn: Hans Kristján Árnason.
Fæðingardagur og ár: 5. október 1947.
Starf: ... ellismellur.
1. Hvað er það skemmtilegasta sem þú gerir?
Maður er manns gaman. Ekkert er skemmtilegra en að vera með skemmtilegu fólki. Ef þetta fólk finnst ekki þá er ég skemmtilegastur með sjálfum mér.
2. Líf eftir þetta líf?
Ætla bara að sjá til. (Eða eins og Írinn spurði sjálfan sig: Is there life before death?)
3. Hvað er það neyðarlegasta sem þú hefur lent í ?
Það neyðarlegasta sem ég hef komið mér í (af óteljandi slíkum tilfellum) er þegar ég fullyrti fyrir framan hundruð manna í kennslustund í University of London (LBS) að Ísland væri stéttlaust land. Úff, hvað ég roðnaði á eftir þegar ég fattaði heimskuna, en ég þorði ekki að leiðrétta mig í margmenninu.
4. Ertu pólitískur?
Jahá!
5. Trúirðu á tilviljanir?
Jahá! – nema þegar það er augljóslega engin tilviljun.
6. Ef þú ættir eina ósk sem myndi örugglega rætast, hver væri hún?
Friður. Að maðurinn hætti að drepa manneskjur. Að stríð væru útilokuð og að Sameinuðu þjóðirnar virkuðu eins og hugsjónin lofaði.
7. Ef þú gætir breytt einhverju sem þú hefur gert, hverju myndirðu breyta?
Ég mundi draga úr dómhörku minni sem keyrð er áfram af fordómum. Ég er allt of fordómafullur.
8. Hverju myndirðu breyta á Íslandi ættirðu þess kost?
Veðrinu, – djók. Stjórnarskránni. Ég er fylgjandi nýju Stjórnarskránni.
9. En í heiminum?
Að Sameinuðu þjóðirnar fylgdu upphaflegu hugsjóninni um frið og mannréttindi.
10. Ef þú skrifaðir ljóðabók, hvaða nafn gæfirðu henni?
Skandinavísk skást er trú – og hanaNÚ!
11. Hver er afstaða þín til flóttamanna?
Að tekið sé jafn vel á móti flóttafólki og tekið var á móti Íslendingum sem flúðu Ísland eða fluttu til Vesturheims í lok 19. aldar.
12. Hvaða dýr myndirðu vilja vera fengirðu tækifæri til þess?
Selurinn Snorri.
13. Segðu okkur eitthvað um ástina og byrjaðu á Ástin er ...:
Ástin er á flæðiskeri stödd. (I love you too) eða eins og faðir minn sagði við elsta son minn (sem er kvikmyndasmiður) rétt áður en pabbi lést; Árni Páll minn, gerðu mynd um ástina ...
13 spurningar
Maðurinn sem vildi vera úlfur á Norðurslóðum
Konan sem sér ekki eftir neinu
Konan sem Vigdís Finnbogadóttir skammaði
Maðurinn sem sífellt lendir í neyðarlegum uppákomum
Athugasemdir