Ísra­elskir land­nemar reyndu að kveikja í mosku í hernumda hluta Vest­ur­bakk­ans, að sögn Palest­ínu­manna. Þetta er nýjasta árásin af þessu tagi á svæð­inu.

Palest­ínska trú­mála­ráðu­neytið sagði að „hópur land­nema hefði reynt að kveikja í hlutum Nur al-Din Zanki-mosk­unnar“ í Bazzaryah, nærri Nablus, og lýsti atvik­inu sem „glæp­sam­legri árás“.

Ljós­myndir og mynd­skeið AFP frá Bazzaryah sýna svört bruna­för í kringum glugga á her­bergi sem til­heyrir moskubygg­ing­unni, auk skila­boða með hót­unum á hebr­esku sem skrifuð voru á útveggi mosk­unnar.

Réðust skyndilega til atlögu

„Um klukkan 2:45 um nótt­ina réð­ust land­nem­arnir skyndi­lega til atlögu. Lítil spreng­ing varð sem olli elds­voða inni í moskubygg­ing­unni,“ sagði Majed Nasr, sem býr í nágrenn­inu. Hann bætti við að land­nem­arnir hefðu síðan flúið af vett­vangi.

„Okkur tókst að ráða nið­ur­lögum elds­ins áður en ástandið versn­aði og eld­ur­inn náði upp í meg­in­hluta bygg­ing­ar­innar,“ sagði hann við AFP.

Ísra­elski her­inn svar­aði ekki þegar í stað beiðni AFP um við­brögð …