Svo virðist sem Evrópusambandið hafi aldrei verið vinsælla. Samkvæmt nýrri viðhorfskönnun Evrópusambandsins, Eurobarometer, telja 74% íbúa ESB heimaland sitt hafa gagn af því að tilheyra sambandinu. Er það hæsta hlutfall sem mælst hefur frá því að spurningin var fyrst lögð fyrir árið 1983, jafnt fyrra meti frá árinu 2025.

Sama könnun sýnir að 75% Evrópubúa telja sambandið athvarf stöðugleika í óvissum heimi – 8% fleiri en í lok síðasta árs – og 68% vilja að sambandið leiki stærra hlutverk þegar kemur að því að vernda íbúa þess gegn hnattrænum áskorunum og öryggisógnum.

Freistandi gæti verið fyrir forsvarsmenn Evrópusambandsins að setja á ís flösku af kampavíni, upprunavottuðu samkvæmt reglum sambandsins. En þótt landslagið virðist skýrt er myndin öllu flóknari en útlínurnar gefa til kynna.

Ánægjan á sér takmörk

Þótt þegnar ríkja Evrópusambandsins styðji aðild að sambandinu eru þeir gagnrýnir á verklag þess.

Gögn frá alþjóðlega markaðsrannsóknarfyrirtækinu Ipsos sýna, eins og …