Milljarðamæringurinn Elon Musk hefur verið boðaður í skýrslutöku í París vegna rannsóknar á samfélagsmiðlinum X. Óljóst er hvort hann muni mæta.

Frönsk yfirvöld sendu Elon Musk boðun í febrúar, í tengslum við rannsókn sem hófst í janúar 2025. Hún beinist að ásökunum um að algóriþmi X hafi verið notaður til að hafa áhrif á frönsk stjórnmál. Síðar var rannsóknin útvíkkuð og nær nú einnig til dreifingar á efni sem tengist afneitun helfararinnar og kynferðislegra djúpfalsana sem búin voru til með gervigreindarspjallmenninu Grok.

Í febrúar framkvæmdu franskir saksóknarar húsleit á skrifstofum X í París. Fyrirtækið neitar saknæmri háttsemi og fordæmir aðgerðirnar, sem voru sagðar „pólitískt drifnar“ og „misnotkun á dómsvaldi“.

Segir málið „pólitíska árás“

Á sama tíma boðuðu saksóknarar í París bæði Musk og þáverandi forstjóra fyrirtækisins, Lindu Yaccarino, í skýrslutöku sem „raunverulega og formlega stjórnendur X á þeim tíma sem atburðirnir áttu sér stað“. Musk lýsti því sem „pólitískri árás“. …