Með öðru auganu hef ég fylgst með verðlaunaathöfnum stjarnanna í Hollywood undanfarnar vikur. Fastagestur á fremsta bekk er stórleikarinn Leonardo DiCaprio sem fær ekki aðeins athygli fyrir einstaka leikhæfileika heldur umdeilt einkalíf sitt, en leikarinn er þekktur fyrir að eiga í ástarsamböndum við ungar konur.

DiCaprio er svo fylginn sér að ég þarf ekki nema að gúggla nafnið á honum til þess að leitarvélin leggi fram tillöguna: „Hefur Leó einhvern tímann deitað einhvern eldri en 25?“ Svarið er að hann hafi „tvisvar brotið undir-25-ára regluna“, meðal annars með núverandi kærustu sinni sem er 27 ára. Hún er tveimur árum of gömul og þvílík undantekning frá reglunni.  

Ég hef ekkert á móti aldursbilum í ástarsamböndum en til eru undantekningar og DiCaprio er ein af þeim. Ég verð að fá að opna mig um að þessi áralöngu ástarmynstur eru óþægileg og það er orðræðan í kringum samböndin líka. Reglan umtalaða fjarlægir …