Aðeins fjórtán ára flutti Miite að heiman. Ekki vegna þess að hún neyddist til þess, heldur vegna þess sem hún kallar meðfædda sjálfstæðisþörf. „Ég hafði alltaf trú á því að ég gæti séð um mig sjálf,“ segir hún.

Hún safnaði peningum, sagði fjölskyldunni frá áformum sínum og flutti til Ilulissat, þar sem hún bjó hjá systur sinni í tæpan áratug áður en hún eignaðist sitt eigið heimili. Þar hófst vegferð sem leiddi hana í gegnum fiskverksmiðjur, verslanir, stjórnunarstörf, nám í Danmörku og að lokum til Nuuk, þar sem hún hefur búið síðan um 1990.

Saga hennar er samofin sögu Grænlands á umbreytingartímum, frá veiðimenningu til markaðshagkerfis, frá nýlenduhugsun til sjálfstæðisbaráttu, frá hefðum sem hurfu en voru endurvaktar.

Flakkaði um með föður sínum

Áður en hún varð frumkvöðull og þátttakandi í menningar- og viðskiptalífi Grænlands hafði hún fengið tækifæri til að kynnast landinu á annan hátt en flestir. Sem barn flakkaði …