Dr. Rasmus Leander Nielsen er forstöðumaður Miðstöðvar um utanríkis- og öryggismál í háskólanum í Nuuk og prófessor við félagsvísinda- og hagfræðideild norðurslóða. Þar sem hann situr á skrifstofu sinni bregst hann við með hlátrasköllum þegar hann er spurður að því hvort Grænland sé öruggt: „Nei.“

Þegar hláturinn fjarar út segir hann: „Okkur líður eins og við getum verið aðeins öruggari núna en undanfarna daga, en um leið vitum við að þótt ástandið róist um stund getur forseti Bandaríkjanna síðan sagt eitthvað allt annað.“

Á blaðamannafundi með forsætisráðherra Grænlands, Jens-Frederik Nielsen, var hann inntur svara við því hvort hann treysti hundrað prósent orðum Trumps þess efnis að hann myndi ekki taka Grænland með hervaldi, líkt og hann lýsti yfir á Davos. Fram að því hafði Trump ekki útilokað þann möguleika. Forsætisráðherrann kvaðst verða að trúa því – en hvað segir fræðimaðurinn? „Nei.“ Því trúir hann ekki. „En líkurnar hafa alltaf verið …