Donald Trump, for­seti Banda­ríkj­anna, hefur ítrekað haldið því fram að Banda­ríkin þurfi á Græn­landi að halda, sökum hern­að­ar­legs mik­il­vægis vegna þess að Rússland og Kína hafi aukið hern­að­ar­um­svif sín í nágrenn­inu, auk þess sem ís á norð­ur­slóðum er að bráðna vegna lofts­lags­breyt­inga.

Aftur og aftur hefur hann neitað að úti­loka beit­ingu valds til að ná Græn­landi á sitt vald, sem hefur vakið mikla reiði í Danmörku, traustum banda­manni Banda­ríkj­anna og stofn­að­ila NATO, sem fer með yfir­ráð yfir sjálf­stjórn­ar­svæð­inu á Græn­landi.

Nú þegar hafa Banda­ríkin hern­að­ar­lega við­veru á Græn­landi. Þar er Pituffik-her­stöðin, sem á rætur sínar að rekja til síð­ari heims­styrj­ald­ar­innar þegar Banda­ríkin sendu her­lið til að verja Grænland eftir að Danmörk féll í hendur nas­ista.

Um 150 her­menn eru var­an­lega stað­settir á þess­ari ísköldu stöð, en á tímum kalda stríðs­ins voru Banda­ríkin með allt að 6.000 her­menn sem voru vítt og breitt um Grænland, aðal­lega af ótta við að sov­éskar …