Fréttir

Starfsmaður leikskóla sýknaður eftir atvik með barni

For­eldr­ar barns fóru fram á 1 millj­ón króna í miska­bæt­ur fyr­ir lík­ams­árás gegn barn­inu en starfs­menn leik­skól­ans töldu ekk­ert óvenju­legt hafa átt sér stað.

Starfsmaður leikskóla sýknaður eftir atvik með barni
Leikskólabörn Starfsmaðurinn harmaði að drengurinn hefði fengið áverka eftir atvikið. Mynd: Golli
Birtist fyrir tæpu ári.

Héraðsdómur Reykjaness sýknaði í dag starfsmann á leikskóla fyrir líkamsárás og barnaverndarlagabrot sem hann var ákærður fyrir að hafa framið í maí 2022.

Niðurstaða dómsins var að áverkar á fimm ára barni á leikskólanum hafi komið til fyrir gáleysisverknað ákærða og ekki þótti sannað að hann hafi beitt drenginn andlegum eða líkamlegum refsingum, hótunum, ógnunum eða sýnt honum ósiðlegt athæfi.

Ákærði sagði í yfirheyrslu að drengurinn væri eitt þeirra barna sem glímdi við hegðunarerfiðleika og beitti jafnvel ofbeldi. Umræddan dag hafi drengurinn verið að koma sér inn í leik annarra barna í sandkassanum en að drengurinn hafi ausað sandi í andlit þeirra. Drengurinn hafi síðar kastað sandi í andlit ákærða og hann þá gripið í peysu drengsins í bringuhæð „bara til að stoppa hann í eina sekúndu frá því að hlaupa aftur í burtu“. Hann hafi svo leitt hann inn á hans deild svo annar starfsmaður, sem þekkti hann, gæti rætt við hann.

Foreldrar drengsins, sem sáu hluta af atburðarásinni, töldu starfsmanninn hafa gripið í hægri öxl drengsins, marið hann með því og gefið honum brunasár á öxl, og hafa sýnt honum ruddalegt athæfi og yfirgang. Drengurinn hafi hrópað „þú meiddir mig“.

Starfsmenn sáu ekkert óeðlilegt

Leikskólastjórinn kom fyrir dóm við aðalmeðferð máls og staðfesti að niðurstaða könnunar hefði leitt í ljós að ekkert óeðlilegt hefði átt sér stað í samskiptum ákærða og brotaþola þennan dag. Ákærði hafi gert allt hárrétt þegar hann hjálpaði drengnum að komast út úr aðstæðum í sandkassanum.

Staðfesti leikskólastjórinn að drengurinn hefði þurft mikinn stuðning vegna hegðunarvanda. Enginn starfsmanna taldi sig hafa séð nokkuð óeðlilegt af hálfu starfsmannsins.

Tók dómurinn undir með ákærða að lögreglurannsókn málsins hafi verið „fremur óvönduð og ómarkviss“. Einnig hafi dregist að taka skýrslur, en dómur féll í málinu rúmum þremur árum eftir að það kom upp. Dómurinn sagði ákærða aldrei hafa þrætt fyrir að hafa gripið í barnið, hafa harmað að það hafi hlotið áverka og sagt það hafa verið óviljaverk. Starfsmaðurinn hafi brugðist rétt við aðstæðum samkvæmt framburði starfsmanna og því hafi ekki verið hafið yfir skynsamlegan vafa að hann hafi framið brot.

Var hann því sýknaður, bótakröfu foreldra sonarins upp á 1 milljón króna vísað frá og þóknun réttargæslumanns og málsvarnarlaun verjanda greidd úr ríkissjóði.

Kjósa
8
Hvernig finnst þér þessi grein? Skráðu þig inn til að kjósa.
Efnisorð

Athugasemdir

Skráðu þig inn til að skrifa athugasemd eða kjósa.
Allar athugasemdir eru ábyrgð á þeirra sem þær skrifa. Heimildin áskilur sér rétt til að fjarlægja ærumeiðandi og óviðeigandi athugasemdir. Hægt er að láta vita af athugasemdum með því að smella á Tilkynna.

Mest lesið

Mest lesið

Mest lesið í vikunni

Sáu sárin sem hún faldi
1
ViðtalElsku Embla

Sáu sár­in sem hún faldi

Þann 7. júní verða fimm ár lið­in frá frá­falli Emblu Arn­ars Katrín­ar­dótt­ur. And­lát henn­ar var harma­fregn fyr­ir sam­fé­lag­ið, en fjöl­skyld­an sat eft­ir með sorg­ina. Löngu áð­ur en Embla fékk grein­ingu var fjöl­skyld­unni orð­ið ljóst að hún væri orð­in al­var­lega veik, en vegna þess hve þög­ul veik­ind­in voru tók tíma að fá áheyrn. Jafn­vel þá skorti skiln­ing á stöðu barns­ins, sem svipti sig lífi og var jörð­uð á fimmtán ára af­mæl­is­dag­inn sinn.
Fleiri tilvik og háar upphæðir í fjárdráttarmáli lögmannsins
6
Innlent

Fleiri til­vik og há­ar upp­hæð­ir í fjár­drátt­ar­máli lög­manns­ins

Lög­mað­ur­inn Guð­rún Björg Birg­is­dótt­ir starf­aði sem ráðs­mað­ur fólks sem svipt hafði ver­ið fjár­ræði og er sök­uð um að hafa nýtt sér stöðu sína til að fremja auðg­un­ar­brot. Ólaf­ur Hauks­son hér­aðssak­sókn­ari seg­ir meint­an fjár­drátt henn­ar vera til með­ferð­ar hjá embætt­inu og vel­ferð­ar­sviði Reykja­vík­ur­borg­ar var gert við­vart þar sem hún sá um fjár­mál minnst tveggja ein­stak­linga.

Mest lesið í mánuðinum

Sáu sárin sem hún faldi
1
ViðtalElsku Embla

Sáu sár­in sem hún faldi

Þann 7. júní verða fimm ár lið­in frá frá­falli Emblu Arn­ars Katrín­ar­dótt­ur. And­lát henn­ar var harma­fregn fyr­ir sam­fé­lag­ið, en fjöl­skyld­an sat eft­ir með sorg­ina. Löngu áð­ur en Embla fékk grein­ingu var fjöl­skyld­unni orð­ið ljóst að hún væri orð­in al­var­lega veik, en vegna þess hve þög­ul veik­ind­in voru tók tíma að fá áheyrn. Jafn­vel þá skorti skiln­ing á stöðu barns­ins, sem svipti sig lífi og var jörð­uð á fimmtán ára af­mæl­is­dag­inn sinn.

Mest lesið í mánuðinum

Nýtt efni

Þverstæður íslenskrar efnahagsstjórnar
Greining

Þverstæð­ur ís­lenskr­ar efna­hags­stjórn­ar

Er allt að fara í skrúf­una? Hei­mótt­ar­skap­ur í hugs­an­legri heimskreppu er ekki góð blanda. Hag­fræð­in sem fag­leg fræði­grein hef­ur tek­ið meiri fram­förum held­ur en ís­lenska krón­an á þess­ari öld og mögu­lega forð­að okk­ur frá ein­hverj­um krepp­um. Þau sem misst hafa af þró­un­inni vilja gjarn­an halda í gaml­ar kredd­ur ásamt gömlu góðu verð­tryggðu krón­unni.
Lýstu áhyggjum af herskyldu, forræði og auðlindum Íslendinga
Greining

Lýstu áhyggj­um af her­skyldu, for­ræði og auð­lind­um Ís­lend­inga

Á Al­þingi var hart tek­ist á um þjóð­ar­at­kvæða­greiðslu um að­ild­ar­við­ræð­ur að Evr­ópu­sam­band­inu. Þing­menn stjórn­ar­and­stöð­unn­ar lýstu ótta við að missa for­ræði yf­ir Ís­landi, teikn­uðu upp mynd af ytri ógn og ásælni annarra þjóða í auð­lind­irn­ar. Spurt var hvort Ís­lend­ing­ar myndu beygja sig und­ir her­skyldu, jafn­vel þótt evr­ópsk­ur her sé ekki til og Evr­ópu­sam­band­ið sé ekki hern­að­ar­banda­lag.

Mest lesið undanfarið ár