Samkeppniseftirlitið komst að þeirri niðurstöðu að Samtök fyrirtækja á veitingamarkaði (SVEIT) hafi vanrækt óvíræða lagaskyldu um afhendingu gagna og brotið þar með gegn samkeppnislögum. Samkeppniseftirlitið ákvað í gær að leggja dagsektir á samtökin vegna umræddra brota og samkvæmt ákvörðuninni skal SVEIT greiða milljón króna í dagsektir þar til umbeðin gögn hafa verið afhent eftirlitinu. 

SVEIT hefur hins vegar tilkynnt að þau muni kæra þessa ákvörðun, sem þau mótmæla harðlega og verða engar sektir lagaðar á samtökin þar til niðurstaða áfrýjunarnefndar liggur fyrir um afhendingu gagnanna.

Forsagan er sú að þann 14. mars 2025 barst Samkeppniseftirlitinu kvörtun Alþýðusambands Íslands, Eflingar-Stéttarfélags og Starfsgreinasambands Íslands vegna „ólögmæts verðsamráðs fyrirtækja á veitingamarkaði og ólögmæts verðsamráðs innan Samtaka fyrirtækja á veitingamarkaði“.

Þar er því haldið fram að gerð SVEIT á einhliða kjarasamningi við félagið Virðingu, þar sem kveðið er á um launakjör á veitingamarkaði, …