Erika er menntaður mannfræðingur og á ferlinum hefur hún skrifað átta bækur – meðal annars um fyrrum Sovétríkin í Mið-Asíu, löndin sem liggja að landamærum Rússlands og ferðalag um Himalaja-fjöllin. Bækurnar hennar eru blanda af blaðamennsku, mannfræðilegri innsýn og persónulegri frásögn. Erika segir að ferðalög hennar hefjist alltaf með spurningu. Þegar hún vann að bókinni Sovietistan voru það fimm ríki Mið-Asíu sem vöktu áhuga hennar; Úsbekistan, Túrkmenistan, Tadsíkistan, Kirgistan og Kasakstan. „Ég var mjög forvitin að vita hvernig það væri að ferðast í þessum löndum. En ég vildi líka komast að því hvernig þessi lönd höfðu mótast af því að hafa verið hluti af Sovétríkjunum og …