Árið 2021 tók Helga Árna­dóttir við umsjón Hlaupa­hóps Horna­fjarðar. Hópurinn heldur árleg hlaup á Höfn, klæð­ist jökla­bláum jökkum og hefur skráð sig í hlaup í Slóveníu næsta haust. Helga segir hlaupin vett­vang fyrir fólk til að kynn­ast á nýjan hátt. 

Jöklablái hópurinn

Helga Árna­dóttir ákvað að skora á sjálfa sig að taka við þjálfun Hlaupa­hóps Horn­firð­inga fyrir fjórum árum síðan. „Það var fólk í kringum mig að spá í hvort ég væri til í að halda utan um hóp­inn,“ útskýrir Helga, en hann er starf­ræktur í sam­starfi við ung­menna­fé­lagið Sindra. 

Helga og félagarHlaupið í jökla­bláum ein­kenn­is­fatn­aði hóps­ins.

Mynd: Aðsend

Mikill áhugi var meðal bæj­ar­búa fyrir hlaup­unum en á fimmta tug skráðu sig í hóp­inn. „Það var rosa gaman,“ segir Helga. Hópurinn æfði þrisvar í viku og hljóp fimm kíló­metra hlaup í hverjum mán­uði frá októ­ber til mars 2022. 

Fyrsta form­lega hlaupið sem Hlaupa­hópur Horna­fjarðar tók þátt í var Mýr­dals­hlaupið …