Þið sjáið þá hlaupa um ganga bráða­mót­tök­unnar í bláum vinnu­fatn­aði. Sér­hæfðir starfs­menn á bráða­mót­tök­unni fá sjaldan tæki­færi til að setj­ast niður á vakt­inni. „Við vinnum eftir tal­stöð og tal­stöðin er í gangi alla vakt­ina og þá áttu eftir að fylla á allt og færa sjúk­ling­unum hitt og þetta, köllin eru enda­laus. Vaktin líður á þremur mín­útum yfir­leitt, það er það góða við þetta,“ segir Eyvindur Ágúst Run­ólfs­son, sér­hæfður aðstoð­ar­maður og nemi í hjúkr­un­ar­fræði á bráða­mót­tök­unni.

Eyvindur var í krefj­andi námi og starfi en skipti algjör­lega um kúrs þegar hann kynnt­ist bráða­mót­tök­unni. „Ég er með bachelor-gráðu í lög­fræði og vann hjá sýslu­mann­inum í mörg ár, en hætti þar til að skrifa meist­ara­rit­gerð og vant­aði ein­hverjar tekjur á meðan. Ég sótti um á hinum ýmsu stöðum og meðal ann­ars hérna. Áður hafði …