Sérfræðingar segja að eitruð karlmennska sem áhrifavaldar selja verði sífellt meira áberandi, studd af endurkomu hægri öfgastefnu og heiftarlegri andstöðu gegn femínisma.
Í mars var 26 ára gamall maður dæmdur í fangelsi í Bretlandi fyrir að myrða fyrrverandi kærustu sína, systur hennar og móður með lásboga og hníf árið 2024.
Í réttarhöldunum yfir Kyle Clifford kom fram að hann hefði horft á myndbönd eftir sjálfskipaðan kvenhatara og áhrifavald, Andrew Tate, aðeins nokkrum klukkustundum áður en hann framdi þessi hræðilegu morð.
Tate hefur yfir 10 milljónir fylgjenda á X og er vinsæll meðal ungra karlmanna á þeim vettvangi, þar sem hann deilir ofbeldisfullri sýn sinni á karlmennsku.
Þó að Tate hafi verið bannaður á Instagram og TikTok vegna kvenhaturs, var reikningur hans á samfélagsmiðlinum Twitter, síðar X, endurvakinn af Elon Musk þegar milljarðamæringurinn keypti miðilinn árið 2022.
Nú hefur þessi breski-bandaríski leiðtogi karlahreyfingar á netinu yfirgefið Rúmeníu og farið til Bandaríkjanna ásamt bróður sínum Tristan, þrátt fyrir að þeir standi frammi fyrir ákærum um nauðgun og mansal í Búkarest.
Bræðurnir tveir, sem eru opinskáir stuðningsmenn Donalds Trump Bandaríkjaforseta, eru nú í Flórída, þar sem sakamálarannsókn hefur verið hafin gegn þeim.
Að sögn Jacobs Johanssen, dósents í samskiptafræðum við St Mary's háskólann í London, hefur „kvenhatur, nauðgunarmenning og ofbeldi gegn konum og stúlkum verið normalíserað“.
Uppgangur svonefnds „mannhvels“ eða „manosphere“ - sem samanstendur af spjallsvæðum og samfélögum sem stuðla að karllægni og kvenhatri - er „með órofa tengsl við vöxt hægri-popúlisma í mörgum hlutum heimsins“, sagði Johanssen við AFP.
Ennfremur þarf Heimildin að fjalla um hvernig borgarstjóri Heiða Björg og "samstarfshópurinn" í borgarstjórn ganga gegn anda mannréttindastefnu Reykjavikurborgar sem segir í grein
"2.1 Reykjavíkurborg sem stjórnvald
Við skipan í nefndir, stjórnir og ráð skal hafa að markmiði að hlutföll kynjanna séu sem
jöfnust og ekki minna en 40% þegar um fleiri en þrjá fulltrúa er að ræða, samanber 15.
grein jafnréttislaga. Jafnræði kvenna og karla skal einnig haft að leiðarljósi þegar valdir
eru fulltrúar í vinnuhópa til að undirbúa stefnumótun og meiriháttar ákvarðanir."
1 karlmaður stýrir 1 nefnd af 10, alls 1 pólitísku embætti af 13.
Heiða svaraði gagnrýni á þetta þannig að "íbúar kjósa kjörna fulltrúa og í fyrsta sinn eru konur í meirihluta."
Er þetta það sem kallast jafnrétti kvenna?
Heiða og samstarfshópurinn getur auðveldlega bætt stöðuna, gert t.d. Hjálmar og Magnús Norðdahl formenn nefnda, ráðið karlkyns borgarstjóra faglegann og Heiða taki embætti forseta borgarstjórnar.