Trump segir að fjölmiðlar séu „ólöglegir“

Banda­ríkja­for­seti hélt ræðu í dóms­mála­ráðu­neyt­inu þar sem hann úr­skurð­aði til­tekna fjöl­miðla ólög­lega fyr­ir að fjalla nei­kvætt um hann.

Trump segir að fjölmiðlar séu „ólöglegir“
Trump í kvöld Hélt ræðu fyrir þeim aðilum innan bandaríska alríkisins sem fara með löggæslu- og dómsmál, þar sem úrskurðaði frjálsa fjölmiðla sem lögbrot. Mynd: AFP

Donald Trump Bandaríkjaforseti sagði í ræðu sinni í dómsmálaráðuneytinu í kvöld að bandarískir fjölmiðlar sem fjalla gagnrýnið um hann væru „ólöglegir“ og „spilltir“.

Trump sagði að CNN, MSNBC og ótilgreind dagblöð „skrifa bókstaflega 97,6 prósent neikvætt um mig“ og bætti við: „Það verður að stöðva. Þetta hlýtur að vera ólöglegt.“

Í ræðu sinni fyrir saksóknara og fulltrúa lögreglu í dómsmálaráðuneytinu lýsti Trump fjölmiðlunum sem „pólitískum örmum Demókrataflokksins. Og að mínu mati eru þeir í raun spilltir og ólöglegir. Það sem þeir gera er ólöglegt.“

Hann sagði að fjölmiðlarnir væru „að hafa áhrif á dómara“ sem hann sagði að væri í raun að breyta lögum. Aftur kastaði hann rýrð á lögmæti fjölmiðla: Og það getur bara ekki verið löglegt. Ég trúi ekki að það sé löglegt. Og þeir gera þetta í fullkominni samhæfingu hver við annan.“

Trump hefur gert árásir á bandaríska fjölmiðla að miðpunkti skilaboða sinna allt frá því hann var fyrst kjörinn forseti árið 2016.

Í Bandaríkjunum er prentfrelsi og tjáningarfrelsi tryggt í stjórnarskránni, en Trump kallar blaðamenn sem hann samþykkir ekki „óvini þjóðarinnar“ og afurðir þeirra „falsfréttir“.

Frá því að Trump hóf sitt annað kjörtímabil í janúar hefur hann hratt og örugglega þrýst á hefðbundna fjölmiðla eins og The Associated Press en um leið aukið aðgang áður jaðarsettra hægri miðla að Hvíta húsinu.

Kjósa
14
Hvernig finnst þér þessi grein? Skráðu þig inn til að kjósa.

Athugasemdir (2)

Skráðu þig inn til að skrifa athugasemd eða kjósa.
  • Þorkell Egilsson skrifaði
    Trump er með þroska 12 ára barns. Auðvitað fékk hann kosningu. Við fylgjumst með hvithærðum embættismönnum krjúpa fyrir honum og hlæja að grimmdarverkum hans eins og brandara. Stjórnmálamenn eru smákrakkar í huga sínum. Allt þeirra líf snýst um að stjórna og deila. Lygarnar og prettirnir breyta kjósendur engu. Þeir fá kökusneið 🍰 að launum fyrir atkvæði sitt.
    0
  • GK
    Gísli Kristjánsson skrifaði
    Trump hefur svipaða einræðisdrauma og ónefndir fasistar & nasistar síðustu aldar. Þetta er algjör vitfyrring! Það þarf augljóslega að stöðva manninn með einum eða öðrum hætti.
    4
Allar athugasemdir eru ábyrgð á þeirra sem þær skrifa. Heimildin áskilur sér rétt til að fjarlægja ærumeiðandi og óviðeigandi athugasemdir. Hægt er að láta vita af athugasemdum með því að smella á Tilkynna.

Mest lesið

Hélt að hún myndi höndla álagið betur
1
ViðtalÍ leikskóla er álag

Hélt að hún myndi höndla álag­ið bet­ur

Að vinna með börn­um er það skemmti­leg­asta sem Gunn­hild­ur Gunn­ars­dótt­ir barna­sál­fræð­ing­ur ger­ir. Þeg­ar hún tók að sér tíma­bund­ið starf á leik­skóla til að tryggja syni sín­um leik­skóla­pláss hélt hún að hún myndi höndla álag­ið en það kom henni á óvart hversu krefj­andi starfs­um­hverf­ið er. „Stund­um þeg­ar ég kom heim eft­ir lang­an dag vildi ég bara að eng­inn tal­aði við mig, ég var svo ótrú­lega þreytt.“
Síðasta hálmstráið að vinna á leikskóla — en dýrmætt
2
FréttirÍ leikskóla er álag

Síð­asta hálmstrá­ið að vinna á leik­skóla — en dýr­mætt

Vil­hjálm­ur Þór Svans­son, lög­fræð­ing­ur og starfs­mað­ur á leik­skól­an­um Nóa­borg, bjóst ekki við að hefja störf á leik­skóla til að koma dótt­ur sinni að á leik­skóla. Hann seg­ir það hollt fyr­ir for­eldra að stíga að­eins út fyr­ir þæg­ind­aramm­ann og dýr­mætt að fylgj­ast með dætr­um sín­um vaxa og dafna í leik­skóla­starf­inu.
Aðalsteinn Kjartansson
6
Leiðari

Aðalsteinn Kjartansson

Að teygja sig of langt

Á sama tíma og ann­ars stað­ar er reynt að verja fjöl­miðla, vill formað­ur stjórn­skip­un­ar- og eft­ir­lits­nefnd­ar að þing­menn rann­saki þá. Ekki dug­ir þriggja ára rann­sókn lög­regl­unn­ar sem leiddi ekk­ert ann­að í ljós en það að rétt var haft eft­ir þeim sem lýstu sér sem „skæru­liða­deild“ Sam­herja, þeg­ar það tal­aði frjáls­lega um að ná sér nið­ur á þeim sem ljóstr­aði upp um stór­felld­ar mútu­greiðsl­ur út­gerð­ar­inn­ar.

Mest lesið

Mest lesið í vikunni

Frá endurlífgun á bráðamóttökunni í umönnun leikskólabarna
2
ViðtalÍ leikskóla er álag

Frá end­ur­lífg­un á bráða­mót­tök­unni í umönn­un leik­skóla­barna

Líf Auð­ar Ólafs­dótt­ur hjúkr­un­ar­fræð­ings og fjöl­skyldu tók stakka­skipt­um síð­asta haust þeg­ar hún sagði skil­ið við Bráða­mót­töku Land­spít­al­ans eft­ir átta ára starf og hóf störf á leik­skóla barn­anna sinna til að koma yngra barn­inu inn á leik­skóla. „Ég fór úr því að vera í end­ur­lífg­un einn dag­inn yf­ir í að syngja Kalli litli kóngu­ló hinn dag­inn.“
Foreldrar vinna á leikskóla til að brúa bilið
4
FréttirÍ leikskóla er álag

For­eldr­ar vinna á leik­skóla til að brúa bil­ið

Veru­leiki barna­fjöl­skyldna í Reykja­vík ein­kenn­ist af því að börn eru orð­in alltof göm­ul til að telja ald­ur í mán­uð­um þeg­ar þau loks kom­ast inn á leik­skóla. Ár­um sam­an hef­ur öll­um 12 mán­aða göml­um börn­um ver­ið lof­að leik­skóla­plássi en raun­in er að mán­uði barna sem fá pláss er hægt að telja í tug­um. For­eldr­ar hafa grip­ið til sinna ráða, með­al ann­ars með því að starfa á leik­skóla til að fá for­gang að leik­skóla­plássi.

Mest lesið í mánuðinum

Einn og hálfur tími á bráðamóttöku: Sjálfsskaði, hjartastopp og hnífstunga
6
Á vettvangi

Einn og hálf­ur tími á bráða­mót­töku: Sjálfsskaði, hjarta­stopp og hnífstunga

Eitt orð má aldrei nota á bráða­mót­töku Land­spít­al­ans og það er orð­ið ró­legt. Nán­ast um leið og Jón Ragn­ar Jóns­son bráða­lækn­ir hef­ur orð á að það sé óvenju ró­legt á næt­ur­vakt eina helg­ina dynja áföll­in á. Hann hef­ur rétt kom­ið manni til lífs þeg­ar neyð­ar­bjall­an hring­ir á ný. Síð­an end­ur­tek­ur sama sag­an sig.

Mest lesið í mánuðinum

Nýtt efni

Mest lesið undanfarið ár