Það besta sem kom fyrir mig á síð­asta ári er að barnið mitt komst inn á leik­skóla. Ég þakka fyrir að barnið mitt komst loks­ins inn á leik­skóla, fyrir hans hönd líka, hann var að verða brjál­aður á að vera heima. Það hljómar kannski þung­lynt en það var topp­ur­inn á 2024. Hann er tveggja og hálfs. Hann var ekki hjá dag­mömmu eða neitt þannig ég er mjög glöð að fá að end­ur­heimta smá af lífi mínu til baka eftir þetta.

2025 verður árið sem ég get loks­ins farið í smá „me-time“ aftur. Ég ætla að hugsa vel um sjálfa mig. Ég ætla að fara í rækt­ina, stunda hug­leiðslu og hitta vini. Svo elska ég að vera hér, í vin­tage-búð­inni Wasteland. Þetta er búðin mín. Ég er að und­ir­búa útsölur og mér finnst geggjað að geta unnið við áhuga­málið mitt. Ég fyllist gleði við að vera hér. 

Mig langar að vera bara betri en í gær, ég ætla að reyna að gera það á þessu nýja ári. Ég ætla að hugsa um sjálfa mig, setja mig í fyrsta sæti. Það er mark­miðið á þessu ári, eins og kannski hjá öllum bara? En sama hvað er í gangi þá verður maður að halda áfram. Litli er búinn að vera veikur í mánuð og ég er ekki búin að fara neitt í rækt­ina. En ég ætla að vera ákveðn­ari við sjálfa mig á þessu ári. Setja mig í fyrsta sæti.“