Þau sem voru ósátt við að heyra af því að almenn heim­ild til þess að láta sér­eign­ar­sparnað renna inn á höf­uð­stól fast­eigna­lána myndi renna út um ára­mót, geta tekið gleði sína á ný, því nú hefur verið boðað að þetta úrræði, sem komið var á fót sam­hliða Leið­rétt­ing­unni fyrir rúmum ára­tug, verði fram­lengt um enn eitt ár. Meiri­hluti efna­hags- og við­skipta­nefndar þings­ins hefur lagt þetta til.

Sigurður Ingi Jóhanns­son fjár­mála- og efna­hags­ráð­herra segir við Heim­ild­ina að í ljósi aðstæðna í sam­fé­lag­inu, vænt­an­legra kosn­inga, sé erf­ið­ara fyrir rík­is­stjórn­ina og þingið að taka „ákvarð­anir sem eru umdeildar, jafn­vel þótt þær séu til góða fyrir fram­tíð þjóðar“.

Blaða­maður Heim­ild­ar­innar sett­ist niður með Sigurði Inga, fjár­mála­ráð­herra og for­manni Fram­sókn­ar­flokks­ins undir lok síð­ustu viku og spurði hann þá út í þetta mál, sem virt­ist stefna í að geta orðið kosn­inga­mál, en Viðreisn og síðan Sjálf­stæð­is­flokk­ur­inn höfðu byrjað að tala fyrir því að úrræðið …