Donald J. Trump verður senni­lega næsti for­seti Banda­ríkj­anna. Eftir að hafa tryggt sér kjör­menn frá sveiflu­rík­inu Penn­syl­vaníu er talið lík­legt að Trump verði lýstur sig­ur­veg­ari. Sem stendur hefur Trump nú þegar tryggt sér 267 kjör­menn á meðan Kamala Harris stendur með 224 kjör­menn.

Fram­bjóð­endur þurfa að tryggja sér 270 kjör­menn til þessa að sigra kosn­ing­arnar og því ljóst að það er á bratt­ann að sækja fyrir Harris að vinna upp þennan mis­mun.

Bjarni Bene­dikts­son for­sæt­is­ráð­herra óskar Trump til ham­ingju með sig­ur­inn í færslu á X þar sem hann seg­ist hlakka til að vinna með Trump og stjórn hans og styrkja „langvar­andi sam­band okkar sem vini og banda­menn“.

Enn er verið að telja atkvæði og nið­ur­stöður frá ríkjum á borð við Wisconsin, Michigan, Arizona, Alaska, Maine og Nevada liggja enn ekki end­an­lega eftir að gefa út loka­tölur. Trump mælist með for­skot í flestum þess­ara ríkja enn sem komið er fyrir utan Maine.

Til að mynda á enn eftir að telja um 45 pró­sent greiddra atkvæða í Arizona en þar mælist Trump með rúm­lega tveggja pró­senta for­skot. Trump þarf þó aðeins að vinna Alaska til þess að inn­sigla sig­ur­inn. Samkvæmt AP frétta­veit­unni hafa 73 pró­sent atkvæða verið talin í Alaska og Trump leiðir með 15 pró­senta for­skoti á Harris.

Fox News lýsir Trump sigurvegara 

Flestar frétta­veitur vest­an­hafs lýsa því að Trump sé á barmi þess að sigra kosn­ing­arnar eftir að hafa unnið lyk­il­sveiflu­ríki sem kosn­ing­arnar sner­ust að miklu leyti um. Flestir miðlar hafa þó beðið með að lýsa því form­lega yfir að Trump sé sig­ur­veg­ari kosn­ing­anna.

Fyrir utan Fox News sem lýstu yfir sigri Trumps skömmu eftir að loka­tölur frá Penn­syl­vaníu voru gerðar opin­berar og sýndu hann 2,5 pró­sent for­skot. Ásamt því að missa Penn­syl­vaníu þá tókst for­seta­efni Demókra­ta­flokks­ins ekki að end­ur­taka leik­inn frá síð­ustu for­seta­kosn­ingum og tryggja sér kjör­menn frá Georgíu.

Í ræðu sem Trump hélt fyrir stuðn­ings­fólk sitt í West Palm Beach í Flórída lýsti hann yfir sigri og boð­aði lands­mönnum nýja tíma þar sem hann myndi berj­ast fyrir því að gera Banda­ríkin frá­bær og máttug á nýjan leik.