Maðurinn sem lést í slysi á björgunarsveitaræfingu á sunnudag heitir Sigurður Kristófer McQuillan Óskarsson og var formaður björgunarsveitarinnar Kyndils í Mosfellsbæ. Frá þessu er greint í tilkynningu frá Borghildi Fjólu Kristjánsdóttur, formanni Slysavarnarfélagsins Landsbjargar. 

Hún segir að hugur sinn og allra félaga í Slysvarnarfélaginu sé með aðstandendum hans og félögum.

Lögreglan á Suðurlandi greindi frá því í gær að banaslys hafi orðið þegar karlmaður á fertugsaldri hafi fallið í Tungufljót nálægt Geysi. Straumvatnsbjörgunarmenn náðu manninum upp úr ánni og voru strax hafnar endurlífgunartilraunir á honum, sem báru ekki árangur. Aðstæður á vettvangi voru krefjandi, rigning og mikið vatnsmagn í ánni.

Tilkynning frá Borghildi Fjólu í heild sinni:

„Það er mér afar þungbært að þurfa að tilkynna um að góður félagi okkar,, lést í slysi sem varð á æfingu í straumvatnsbjörgun í og við Tungufljót síðdegis á sunnudag.

Hugur minn og allra félaga í Slysavarnafélaginu Landsbjörg er með aðstandendum hans og félögum og okkar verkefni núna er fyrst og fremst að taka utan um þann hóp með allri þeirri sálrænu aðstoð sem við getum veitt, og þau vilja þiggja.

Rannsókn slyssins er í höndum lögreglunnar á Suðurlandi og félagið mun að sjálfsögðu veita alla þá aðstoð við hana sem beðið er um.“