Kisi, eða Flow, hlaut þann heiður að vera opn­un­ar­mynd hátíð­ar­innar og var sú ákvörðun ekki tekin af handa­hófi. Myndin hefur unnið til fjöl­margra verð­launa víða um Evrópu á síð­ustu miss­erum, bæði sem besta myndin en einnig fyrir tón­list.

Myndinni er leik­stýrt af lett­neska leik­stjór­anum Gints Zilbalodis, sem skrifar einnig sög­una ásamt lett­neska Svíanum Matīss Kaža. Richards Zalupe samdi áhrifa­ríka tón­list fyrir mynd­ina. Kisi er belgísk, frönsk og lett­nesk teikni­mynd sem segir sögu af hópi dýra þegar flæðir yfir skóg­inn sem þau búa í og vin­skapnum sem mynd­ast þeirra á milli.

Eins og draga má ályktun út frá titli mynd­ar­innar er aðal­sögu­hetjan köttur sem fram að þessu er mjög ein­stíga. Við kynn­umst honum fyrst þar sem hann sér fyrir sjálfum sér með því að reyna að tína fisk upp úr læknum, en þegar hunda­hópur fer að ríf­ast sín á milli hver eigi fisk­inn sem hund­arnir veiddu, notar kött­ur­inn tæki­færið, kippir fisk­inum …