Snorri Másson fjöl­miðla­maður er nýgeng­inn í Mið­flokk­inn og sæk­ist eftir odd­vita­sæti í öðru hvoru Reykja­vík­ur­kjör­dæmanna í kom­andi alþing­is­kosn­ingum. Hann seg­ist hafa orðið sympat­ísk­ari gagn­vart for­manni flokks­ins eftir því sem hans innri maður kom betur í ljós. Hann ætti heima í Mið­flokknum og þessi nið­ur­staða sé því eðli­leg. 

Snorri var einn við­mæl­anda Ragn­hildar Þrast­ar­dóttur í nýjasta þætti Pressu í hádeg­inu. Auk hans sátu Lenya Rún Taha Karim, odd­viti Pírata í Reykja­vík norður, og Jóhann Páll Jóhanns­son, þing­maður Sam­fylk­ing­ar­innar, fyrir svörum.

„JD Vance er flottur gaur“

Snorri sagði að hann hefði framan af hall­ast til vinstri frekar en til hægri í stjórn­málum. „Svo rjátl­ast þetta af manni eins og á að ger­ast. Þá var ég alltaf framan af svo­lítið vondur við Sigmund Davíð. Og svo kannski sífellt sympat­ísk­ari gagn­vart Sigmundi Davíð eftir því sem minn innri maður kom betur í ljós gagn­vart sjálfum mér og hug­mynda­fræðin þvoð­ist af mér.“

Þátt­ar­stjórn­andi svar­aði Snorra að hann hljóm­aði þarna svo­lítið eins og JD Vance, vara­for­seta­efni Donalds Trump í for­seta­kosn­ing­unum banda­rísku. 

„Ég meina, JD Vance er flottur gaur,“ sagði Snorri. „Svona áður en ég veit af er ég sam­mála Sigmundi Davíð í einu og öllu. Þetta er eitt­hvað sem margir í sam­fé­lag­inu hafa lent í. Það er þessi innri mið­flokks­maður sem brýst fram og það gerð­ist hjá mér. Ég á heima í Mið­flokknum.“

Snorri segir að það hefði komið sér ein­læg­lega óvart hversu mik­ill strúktúr væri í flokknum og með­limir hans fjöl­breyttir. „Ég er ekk­ert að ganga inn í eitt­hvað hylki utan um Sigmund Davíð. Þetta er bara alvöru stjórn­mála­flokkur. Mín sýn, ef við förum út í það, er það að gera Mið­flokk­inn að nýja breiða afl­inu í íslenskum stjórn­málum.“

Klaustursmálið: Óeðlilegt að hlera fólk

Þegar hann var spurður út í Klaust­urs­málið, sem bæði Bergþór Ólason og Sig­mundur Davíð Gunn­laugs­son voru viðriðnir, sagði Snorri að hann for­dæmi tal líkt og þar var haft uppi. „Ég myndi aldrei hafa svona orð uppi enda höfðu þeir ekki þessi orð uppi opin­ber­lega. Þetta er í ein­hverju fyll­eríi á bar. “

Hann segir þó að tvær grímur hafi farið að renna á fólk eftir því sem tím­inn leið um það hve eðli­legt sé að hlera fólk og birta svo gögnin opin­ber­lega.

Finnst þér það vera stóra málið í þessu - að þeir hafi verið hleraðir en ekki orð­ræðan sem þeir fóru fram með?

„Það er stór angi á þessu máli. [...] Ég tel að flest af þessu hafi ekki átt erindi við almenn­ing ef það er fengið eftir þessum leiðum. Ég er alveg á því.“

 Horfa má á nýjasta þátt Pressu í heild sinni hér að neðan: