Bjarni Jónsson oddviti VG í Norðvesturkjördæmi er hættur í flokknum og hefur ákveðið að segja skilið við þingflokkinn. Frá þessu segir hann í færslu á Facebook.

Þar kemur fram að ákvörðun hans hafi legið fyrir í nokkurn tíma, en að hann hafi kosið með að bíða með að greina frá henni þar til búið væri að rjúfa þing og ákveða kjördag. 

Í færslu sinni segir Bjarni að „flestum“ hafi „lengi verið ljóst“ að flokkurinn hafi „sveigt af leið og brugðist grunngildum sínum og væntingum þeirra sem stóðu að stofnun hans“.

„Hann hefur brugðist mörgu því fólki sem hefur stutt hann. Á síðustu vikum og mánuðum hef ég styrkts í þeirri trú að ég eigi ekki samleið með VG, þar sé ekki farvegur fyrir hugsjónir og mörg  þau brýnustu mál sem ég hef barist fyrir og var kosinn til og ljóst að veran í VG hefur ekki síst orðið æ þungbærari …