Fyrr í dag var mörgum nem­endum Háskóla Íslands brugðið við að finna það sem virt­ist vera stöðu­mæla­sekt á bílum sínum.  Þegar betur var að gáð kom þó í ljós að um grín væri að ræða. Sektin var fyrir „alvar­legt brot á skóla­vali“ og var prentuð af Stúd­enta­fé­lagi Háskól­ans í Reykja­vík (SFHR). 

Í skýr­ingu stendur meðal ann­ars: „Til­greindur öku­maður hefur brotið lög Stúd­enta­fé­lags Háskól­ans í Reykja­vík með því að hafa skráð sig í rangan skóla. Með til­vísun þessa brots er öku­maður sektaður sam­kvæmt ákvæðum við­eig­andi reglu­gerða félags­ins og ber honum skylda að greiða til­tekið sekt­ar­gjald innan til­tek­ins frests.“

Magnús Már Gunn­laugs­son, for­seti SFHR, stað­festir í sam­tali við Heim­ild­ina að mið­arnir séu á vegum félags­ins. „Þetta er svona smá hefnd, í smá gríni, því SHÍ setti fán­ann sinn upp fyrir utan HR í síð­ustu viku. Þetta er smá rígur milli félag­anna. Allt í gamni samt. etta er bara smá skot.“ Hug­myndin hafi …