Síðan auðjöfurinn Elon Musk keypti samfélagsmiðilinn Twitter og breytti nafni hans í X hefur hann sætt ásökunum fyrir að gefa öfgafullri og hatursfullri orðræðu sess. Einn notandi síðunnar hefur reynt að rökræða við þá Íslendinga sem birta skoðanir í þeim anda en hefur ekki haft erindi sem erfiði.

Fríða Þorkelsdóttir hefur verið virk á síðunni í um áratug. „Það hefur breyst mjög mikið á þeim tíma,“ segir hún. „Þetta var vinsælt fyrir nokkrum árum en svo hættu margir Íslendingar eftir að þetta varð X. Mér finnst ég bæði fá mikið af upplýsingum og fréttum þarna og svo er þetta líka bara skemmtilegt út af „memes“ og fólki að vera fyndið. Stundum fer fólk að rífast og það er ákveðið skemmtanagildi í því.“

Fræðimenn hafa varað við því að notendur sem dreifa gyðinga- eða múslimahatri á X fái aukna athygli þar sem algóriþmi forritsins verðlauni efni sem sjokkerar og stuðlar að …