Utan­rík­is­ráðu­neytið birti færslu á sam­fé­lags­miðl­inum X þar sem her­nám Ísraels í Palest­ínu var sagt ólög­legt og eru það skila­boð frá ráðu­neyt­inu. Færslan var ekki birt á sam­fé­lags­miðlum utan­rík­is­ráð­herra.

Færsla ráðu­neyt­is­ins birt­ist á X, sem áður hér Twitter, á laug­ar­dag og var hún við­brögð við úrskurði Alþjóða­dóm­stóls­ins í síð­ustu viku þar sem Ísrael var sagt inn­lima palest­ínsk land­svæði og mis­muna palest­ínsku fólki.

„Ráð­gef­andi álit Alþjóða­dóm­stóls­ins er skýrt,“ segir í færslu ráðu­neyt­is­ins í þýð­ingu blaða­manns. „Áfram­hald­andi her­nám Ísraels á Vest­ur­bakk­anum og Austur-Jer­úsalem er ólög­legt og það eru einnig land­náms­að­gerðir þess. Ísland skorar á Ísrael að stöðva allar aðgerðir sem brjóta í bága við alþjóða­lög.“

Í svari við fyr­ir­spurn Heim­ild­ar­innar til upp­lýs­inga­deildar utan­rík­is­ráðu­neyt­is­ins kemur fram að skila­boðin séu frá ráðu­neyt­inu.

„Ráðherra er sjálf með tíst­reikn­ing þar sem hún setur fram skila­boð í eigin nafni og emb­ætt­is­ins“

„Ráðherra er sjálf með tíst­reikn­ing þar sem hún setur fram skila­boð í eigin nafni og emb­ætt­is­ins,“ segir í svar­inu. Þegar færslur eru settar út á X reikn­ingi ráðu­neyt­is­ins eru það skila­boð frá ráðu­neyt­inu.“

Skilaboðin til alþjóðasamfélagsins 

Í svar­inu kom einnig fram að ákvörðun um birt­ingu efnis á sam­fé­lags­miðlum sé tekin af skrif­stofu­stjórum sem fara með mál­efnið sem um ræðir í sam­vinnu við ráð­herra­skrif­stofu og upp­lýs­inga­deild. „Hvaða mið­ill er not­aður ræðst af því hver mark­hóp­ur­inn er, ef skila­boðin eru til alþjóða­sam­fé­lags­ins er not­ast við X, eigi þau sér­stak­lega erindi við Íslend­inga er not­ast við Facebook síðu ráðu­neyt­is­ins,“ segir í svar­inu.

„Ef skila­boðin eru til alþjóða­sam­fé­lags­ins er not­ast við X“

Þórdís Kolbrún hefur öðru hverju tjáð sig á X um hernað Ísraels í Palest­ínu und­an­farin miss­eri. Nú síð­ast 10. maí sagði hún Ísland styðja tveggja ríkja lausn þar sem „bæði Ísrael og Palest­ína færu að alþjóða­lögum og virtu til­vistar­rétt hvors ann­ars.“

Þann 7. maí sagði hún Ísland hvetja Ísrael til að stöðva „aðgerðir sínar í Rafah, þar sem meiri­háttar áras mundi valdi ómæl­an­legum þján­ingum.“ Þá hvatti hún til þess að Hamas og Ísrael sam­þykktu vopna­hlé. Hafði Hamas sam­þykkt til­lögu um vopna­hlé dag­inn áður sem Ísrael hafn­aði.

Byggðum viðhaldið í bága við alþjóðalög

Alþjóða­dóm­stóll­inn í Haag úrskurð­aði á föstu­dag að vera Ísraels í Palest­ínu væri ólög­leg og að henni ætti að ljúka „eins fljótt og auðið er“. Úrskurð­ur­inn er ráð­gef­andi og ekki bind­andi og byggir á máli sem Alls­herj­ar­þing Sam­ein­uðu þjóð­anna setti fram árið 2022.

Ísrael er sagt brjóta gegn Gen­far­sátt­mál­anum með fram­ferði sínu, að stefna Ísraels á svæðum Palest­ínu sé ígildi inn­limunar svæð­anna og að Ísrael mis­muni palest­ínsku fólki á svæð­unum.

„Byggðir Ísraels á Vest­ur­bakk­anum og í Austur-Jer­úsalem, og stjórnin sem fylgir þeim, hafa verið settar upp og er við­haldið í bága við alþjóða­lög,“ kom fram í nið­ur­stöðu 15 manna dóm­stóls­ins, að því fram kom á frétta­miðl­inum Al Jazeera.

Suður-Afríka rekur annað mál fyrir dóm­stólnum þar sem því er haldið fram að Ísrael fremji þjóð­ar­morð með hern­aði sínum á Gaza. Bráða­birgð­ar­nið­ur­staða hefur þegar verið birt í mál­inu og skip­aði dóm­stóll­inn Ísrael að koma í veg fyrir þjóð­ar­morð og tryggja það að hjálp­ar­gögn ber­ist íbúum Gaza.

Athuga­semd: Eftir birt­ingu frétt­ar­innar barst árétt­ing frá ráðu­neyt­inu þar sem bent var á að ráð­herra bæri ábyrgð á því efni sem kemur frá ráðu­neyt­inu.

„Færslan var borin undir ráð­herra og ráð­herra ber ábyrgð á því sem sett er fram í nafni ráðu­neyt­is­ins,“ segir í upp­færðu svari frá ráðu­neyt­inu. „Við fylgj­umst með við­brögðum við álit­inu og skoðum í fram­hald­inu frek­ari við­brögð.“