Séra Agnes M Sig­urð­ar­dóttir, biskup Íslands, hefur ætíð talað um prests­emb­ættið, sem og emb­ætti bisk­ups, sem lífs­stíl. „Ég er nátt­úr­lega alin upp í kirkj­unni því pabbi minn var prestur. Ég kann ekki annað en að hafa þetta fyrir lífs­stíl,“ segir hún, en faðir hennar var séra Sigurður Krist­jáns­son, sókn­ar­prestur á Ísafirði og pró­fastur í Ísa­fjarð­ar­pró­fasts­dæmi.

Lifði í fullorðinsheimi sem barn

Á Pólgötu 10 á Ísafirði ólst Agnes upp við að skírnir og gift­ingar færu jafn­vel fram á heim­il­inu, í prests­bú­staðnum. „Ef við vorum með barna­af­mæli í stof­unni þá fórum við bara eitt­hvert annað á meðan. Ég var mikil pabbastelpa og reyndi að fara allt með honum sem ég mátti. Leikir mínir í æsku sner­ust mikið um að ég var að gifta og skíra dúkkur. Ég var bara mjög skrýtið barn. Ég lifði í full­orð­ins­heimi og fannst ekki gaman í barna­leikjum. Ég og systir mín, sem er ári yngri, …