Fréttir Hvalveiðar

Framtíð hvalveiða ræðst á þriðjudaginn

Bjarkey Ol­sen Gunn­ars­dótt­ir mat­væla­ráð­herra ætl­ar að birta nið­ur­stöðu sína um það hvort hún veiti hval­veiði­leyfi eð­ur ei næst­kom­andi þriðju­dag. Berg­þór Óla­son, þing­mað­ur Mið­flokks­ins, gagn­rýndi Bjarkeyju á þingi í dag fyr­ir það sem hann tel­ur seina­gang. „Hvað tef­ur orm­inn langa?“ spurði Berg­þór.

Framtíð hvalveiða ræðst á þriðjudaginn
Bjarkey Olsen Er matvælaráðherra og tekur ákvörðun um hvalveiðileyfi. Mynd: Matvælaráðuneytið
Birtist fyrir 2 árum.

Hvalveiðifyrirtækið Hvalur hf. sótti um endurnýjað hvalveiðileyfi í lok janúar síðastliðnum og nú, fjórum mánuðum síðar, hefur niðurstaða ekki fengist í það mál. Veiðileyfi fyrirtækisins rann út á síðasta ári. 

Bergþór Ólason gerði þetta að umtalsefni sínu í óundirbúnum fyrirspurnum á Alþingi í morgun. Hann vakti athygli á því að mikill fjöldi aðila fengu umsagnarbeiðnir frá ráðuneytinu þrátt fyrir að vera ekki lögbundnir umsagnaraðilar og sagði Bjarkey að ástæðan fyrir því væri sú að það væru ekki bara veiðarnar sem væru undir í málinu. 

„Þess vegna taldi ég ástæðu til þess að fá álit annarra aðila heldur en bara þeim sem lögum samkvæmt ber að sækja álit til þannig að þeim gefist þess kostur,“ sagði Bjarkey. „Ég fór ekki af stað í þetta fyrr en ég var búin að safna gögnum til að undirbyggja að þetta væri sú vegferð sem ég vildi fara á.“

Margt og mikið undir

Bjarkey sagði að ýmislegt hafi breyst síðan Kristján Þór Júlíusson gaf síðast út hvalveiðileyfi árið 2019. 

„Það er margt undir og mikið undir,“ sagði Bjarkey. 

BergþórSpurði ráðherrann hvort hún ætlaði sér ekki að fara að ráðleggingum Hafró.
Mynd: Bára Huld Beck

Bergþór benti á að óbreytt ráðgjöf liggi fyrir frá Hafrannsóknarstofnun í málinu en ráðgjöfin gildir til ársins 2025 og miðast við veiðar á 160 langreyðum að hámarki árlega. 

„Ætlar núverandi matvælaráðherra í einhverju að hverfa frá þeirri meginstefnu sem viðhöfð hefur verið um langa hríð að fara að ráðgjöf Hafró hvað varðar nytjastofna landið um kring máls?“ spurði Bergþór en Bjarkey gaf ekkert uppi um það hver ákvörðun hennar í málinu verður. Hún sagði að hún væri byrjuð að lesa umsagnir um málið og að Hvalur hefði rétt til þess að koma með athugasemdir og nýta sinn andmælarétt.

„Fyrirtækjunum var tilkynnt það í þessu bréfi til andmæla að ég hyggist birta niðurstöðu mína á þessu máli á þriðjudaginn,“ sagði Bjarkey.

Kjósa
7
Hvernig finnst þér þessi grein? Skráðu þig inn til að kjósa.
Efnisorð

Athugasemdir (3)

Skráðu þig inn til að skrifa athugasemd eða kjósa.
  • Sigmundur Guðmundsson skrifaði
    11. júní 2024 21:29
    Ein helsta ástæða þess að þetta dýraníð hefur viðgengst við
    strendur Ísland er sú að Hvalur hf er einn helsti fjárhagslegi
    stuðningsaðili Sjálfstæðisflokksins
    1
  • ÞTÞ
    Þóroddur Tryggvi Þórhallsson skrifaði
    7. júní 2024 14:20
    Að sjálfsögðu á að banna þessar "hobbí" hvalveiðar .
    2
    • Margrét Sólveig Ólafsdóttir skrifaði
      7. júní 2024 20:36
      Sammála, þetta skilar engum arði, alltaf tap í mörg ár. Að lokum fer þetta í hundamat og Hvalur hf græðir á tapinu, sem fer í að lækka skatta. Viðbjóðslegar veiðar.😭
      1
Allar athugasemdir eru ábyrgð á þeirra sem þær skrifa. Heimildin áskilur sér rétt til að fjarlægja ærumeiðandi og óviðeigandi athugasemdir. Hægt er að láta vita af athugasemdum með því að smella á Tilkynna.
Tengdar greinar

Hvalveiðar

Mest lesið

„Já“ þarf mörgum sinnum en „nei“ bara einu sinni
5
GreiningHorft til Evrópu

„Já“ þarf mörg­um sinn­um en „nei“ bara einu sinni

Ef „nei“ verð­ur nið­ur­stað­an á morg­un leggst Evr­ópu­um­ræð­an í dvala en skýt­ur upp koll­in­um síð­ar að mati Ól­afs Þ. Harð­ar­son­ar, pró­fess­ors emer­it­us. Verði „já“ nið­ur­stað­an þyrfti að kom­ast yf­ir marga þrösk­ulda áð­ur en Ís­land gengi í ESB, hvað þá tæki upp evru. Mörg rök „nei“-hreyf­ing­ar­inn­ar séu einnig rök gegn áfram­hald­andi veru í EES.
Vildu ekki koma aftur til Íslands með 100 manna hóp
6
InnlentHorft til Evrópu

Vildu ekki koma aft­ur til Ís­lands með 100 manna hóp

Vil­borg Arna Giss­ur­ar­dótt­ir tók á móti 100 frönsk­um kon­um sem komu hing­að til að keppa í vetr­arí­þrótt­um. Kostn­að­ur­inn kom í bak­ið á skipu­leggj­end­um móts­ins sem ákváðu að fara næst til Finn­lands. Finn­ar hafa nýtt styrki ESB við upp­bygg­ingu heim­skauta­ferða­mennsku, en Vil­borg vann að verk­efni í byggða­þró­un á Suð­ur­landi sem fékk 100 millj­óna styrk þeg­ar Ís­land var síð­ast í að­ild­ar­við­ræð­um.

Mest lesið

Mest lesið í vikunni

Hvar eru skattgreiðslur þeirra auðugustu?
4
Hátekjulistinn

Hvar eru skatt­greiðsl­ur þeirra auð­ug­ustu?

Marg­ir þeirra efstu á Há­tekju­lista Heim­ild­ar­inn­ar í ár seldu fyr­ir­tæki sem þeir höfðu byggt upp í ára­tugi og fengu ein­skipt­is hagn­að. Kerf­ið ger­ir hins veg­ar auð­ug­ustu Ís­lend­ing­um auð­velt að halda arði og hagn­aði af eigna­sölu inni í fé­lög­um sín­um án þess að greiða af þeim skatt. Rík­ið borg­aði út­svar þeirra á list­an­um sem ein­göngu voru með fjár­magn­s­tekj­ur.

Mest lesið í mánuðinum

Mest lesið í mánuðinum

Nýtt efni

Mest lesið undanfarið ár