Katrín Jak­obs­dóttir, fyrr­ver­andi for­sæt­is­ráð­herra, leiðir í kosn­inga­spá Heim­ild­ar­innar nú þegar einn dagur er til kosn­inga. Hún mælist með 24,1 pró­sent fylgi sem er mjög svipað fylgi og hún hefur haft allan maí­mánuð. Katrín hefur þó dalað um eitt pró­sentu­stig síð­ast­liðna viku. 

Sá fram­bjóð­andi sem er lík­leg­astur til að veita henni mesta sam­keppni á morgun er Halla Tóm­as­dóttir, for­stjóri B Team. Hún mælist nú með 22,4 pró­sent stuðn­ing, hefur bætt við sig um fimm pró­sentu­stigum á viku og nær nú í fyrsta sinn að kljúfa 20 pró­sentu­stiga-múr­inn í þess­ari kosn­inga­bar­áttu. Ekki er mark­tækur munur á þeim tveim. 

Halla Hrund Loga­dóttir orku­mála­stjóri hefur líka verið að bæta við sig á síð­ustu metr­unum í kosn­inga­bar­átt­unni eftir að hafa dalað hratt um miðjan mán­uð­inn. Nú segj­ast 19,5 pró­sent kjós­enda ætla að kjósa hana, sem er einu pró­sentu­stigi meira en fyrir viku síðan. 

Tvær með langmestar líkur

Samkvæmt þessum nið­ur­stöðum eru þrjár konur lík­leg­astar til að verða næsti for­seti Íslands. Líkur Katrínar á sigri hafa dala í vik­unni og mæl­ast nú 41 pró­sent. Líkur Höllu Tóm­as­dóttur hafa hins vegar tekið stökk upp á við allra síð­ustu daga og eru nú 31 pró­sent. Halla Hrund á svo 17 pró­sent líkur á sigri. 

Þetta sýna útreikn­ingar dr. Baldurs Héð­ins­sonar á líkum hvers fram­bjóð­anda á sigri. Hana fær Baldur út með því að miða við stöðu mála í kosn­inga­spá sem hann vinnur í sam­starfi við Heim­ild­ina og hversu mikið frá­vik hefur verið í fyrri skoð­ana­könn­unum tveimur vikum fyrir kosn­ingar. Í kjöl­farið keyrði hann 100 þús­und sýnd­ar­kosn­ingar til að reikna út hversu lík­legt er að hver og einn fram­bjóð­andi sigri. Þegar nær dregur kosn­ingum minnkar frá­vikið sem fer inn í sýnd­ar­kosn­ing­arnar sem mun leiða til þess að þeir fram­bjóð­endur sem eru að mæl­ast með mest fylgi fá hærri líkur á sigri en aðrir minni. 

Vinni ein­hver ofan­greindra þriggja kvenna þá verður við­kom­andi önnur konan í lýð­veld­is­sög­unni til að fá lyklana að Bessa­stöðum á eftir Vigdísi Finn­boga­dóttur, sem sigr­aði naum­lega í for­seta­kosn­ingum 1980 og sat í 16 ár. 

Baldur dalar og Jón undir tíu prósent

Síðustu daga og vikur hefur bar­áttan virst vera á milli fjög­urra fram­bjóð­enda. Sá sem hefur fallið lengst frá á loka­sprett­inum er Baldur Þór­halls­son, pró­fessor í stjórn­mála­fræði. Hann mælist nú með 15,3 pró­sent fylgi sem er það lægsta sem hann hefur mælst með frá því að fyrsta kosn­inga­spáin var keyrð 13. apríl. Hann hefur tapað 2,4 pró­sentu­stigum í þess­ari viku og það er nú mark­tækur munur á honum og þeim tveimur fram­bjóð­endum sem leiða.  Líkur hans á sigri mæl­ast nú ein­ungis átta pró­sent.

Framan af kosn­inga­bar­átt­unni leit út fyrir að Jón Gnarr, leik­ari og fyrr­ver­andi borg­ar­stjóri í Reykja­vík, gæti blandað sér í bar­átt­una. Hann var um tíma sá fram­bjóð­andi sem mæld­ist með þriðja mesta fylgið en frá síð­ustu mán­aða­mótum hefur fjarað skarpt undan stuðn­ingi við Jón. Nú mælist hann, í fyrsta sinn, með undir tíu pró­sent fylgi og það hefur helm­ing­ast frá því sem það var um mið­bik apr­íl­mán­aðar. Jón á sem stendur tveggja pró­senta líkur á því að verða næsti for­seti lands­ins,

Arnar Þór Jónsson, vara­þing­maður og fyrr­ver­andi dóm­ari, er með 5,9 pró­sent fylgi og hefur tapað lít­il­lega af fylgi í lið­inni viku. Líkurnar á því að hann flytji á Bessa­staði eru eitt pró­sent.

Hinir sex fram­bjóð­end­urnir sem hafa ekki verið taldir upp hér skipta svo á milli sín 3,2 pró­sentu­stigum og þeir eiga nær engar líkur á því að sigra kosn­ing­arnar.

Hvað er kosningaspáin?

Kosn­inga­spáin er unnin í sam­starfi við dr. Baldur Héð­ins­son. Hann hefur keyrt kosn­inga­spálíkan sem hann smíð­aði fyrir fyr­ir­renn­ara Heim­ild­ar­innar í öllum kosn­ingum sem fram hafa farið á Íslandi síð­ast­lið­inn ára­tug, og mun gera það í aðdrag­anda for­seta­kosn­ing­anna einnig. Líkanið miðar að því að setja upp­lýs­ingar sem skoð­ana­kann­anir veita í sam­hengi. Fyr­ir­liggj­andi skoð­ana­kann­­­anir eru teknar saman og þeim gefið vægi til þess að spá fyrir um úrslit kosn­­­inga. Nið­ur­stöður spálík­ans­ins eru svo birtar reglu­lega í Heim­ild­inni, jafnt á prenti og vef, í aðdrag­anda kosn­inga.

Þær kann­anir sem teknar eru gildar í kosn­inga­spánni verða að upp­fylla lág­marks­skil­yrði töl­fræði­legrar aðferða­fræði. Þar er litið til stærðar úrtaks­ins, fjölda svar­enda, könn­un­ar­tíma­bils og þess hvort úrtakið stand­ist kröfur til að reyn­ast mark­tækt, svo fátt eitt sé nefnt.