Dönsku sam­tökin Biler til Ukraine hafa gefið um 400 bíla og rútur til úkra­ínska hers­ins.

Bílarnir eru not­aðir í hin ýmsu mik­il­vægu verk­efni þvers og kruss eftir 1.200 kíló­metra langri fram­lín­unni.

Á dög­unum lagði ég upp í um 6.000 kíló­metra langt ferða­lag frá heim­ili mínu í Kyiv til Dan­merkur og slóst í för með þeim þaðan og yfir Þýska­land, svo Pólland og með sam­tökum sem tóku við bíl­unum lengd­ina af Úkraínu.

Frá fyrsta degi gekk allt ein­hvern veg­inn á aft­ur­fót­unum. Bíllinn ekki á réttum dekkjum, réttum núm­erum, stýrið bilað og þar fram eftir göt­unum.

Við landa­mæri Donetsk var mér til­kynnt að ég mætti alls ekki mynda né taka upp vídeó inni í fylk­inu, þar væri bann á alla blaða­menn. Ég mætti aðeins taka ljós­myndir af starf­semi sam­tak­anna, engu öðru.

Ég ákvað, eftir frekar hörð mót­mæli, að það væri holl­ast að hlýða þeim fyr­ir­mælum …