Viktor Traustason tekur lítið mark á skoðanakönnunum

Viktor Trausta­son sagði í sein­asta þætti Pressu taka lítið mark á skoð­ana­könn­unum sem benda til þess að hann eigi langt í land við að ná kjöri sem næsti for­seti Íslands. Samkvæmt skoð­ana­könn­unum mæl­ast Viktor, Ásdís Rán Gunn­ars­dóttir, Ástþór Magn­ús­son og Eiríkur Ingi Jóhanns­son sam­an­lagt með innan við þrjú pró­sent fylgi. 

Spurður hvort hann trúi því ein­læg­lega að honum tak­ist að brúa bilið sem mælist í könn­unum og ná kjöri sem næsti for­seti lýð­veld­is­ins seg­ist Viktor ekki munu leggja sig fram við brúa neitt bil, það sé í höndum kjós­enda.  

„Í fyrsta lagi þá ég ætla ekk­ert að reyna að brúa neitt bil. Mögu­leik­inn er til staðar ef fólk vill hann,“ sagði Viktor og bætti að lands­menn ættu eftir að kynn­ast honum og stefnu­málum hans betur.

„Ég held það hafi ekki verið nein skoð­ana­könnun fram­kvæmd frá því eftir að ég tók þátt í kapp­ræðum. Svar­tíma­bilið byrjar áður en lang­flestir lands­menn vissu hver ég væri eða hvaða stefnu­mál ég er að berj­ast fyrir. Það á eftir að koma í ljós hvernig þetta lítur út í öðrum skoð­ana­könn­unum.“

Hafið þið heyrt um bangsana?

Í svari sínu varp­aði Viktor fram áhuga­verðri sam­lík­ingu til þess að sýna fram á það hversu mis­vísandi skoð­ana­könn­unum hættir til að vera. 

„Svo er ég að velta fyrir mér hvort þið séuð búin að heyra um bangs­ana. Ef konur eru spurðar í skoð­ana­könn­unum „þú ert ein úti í skógi. Hinum megin við runn­ann - hvort viltu að það sé björn eða ókunn­ugur maður. Yfir 90% kvenna segja „að sjálf­sögðu björn.““

Umræðan sem Viktor vitnar hér hefur und­an­farið verið háð sam­fé­lags­miðl­unum X og TikTok og hefur vakið mikla athygli. Sér­stak­lega fyrir þær sakir að flestar konur virð­ast kjósa að rekast á björn á förnum vegi í stað ókunn­ugra karl­manna.

Hefur net­fyr­ir­bærið í kjöl­farið hrundið af stað umræðu um kyn­bundið ofbeldi. Viktor telur hins vegar þessa óform­legu skoð­ana­könnun vera mis­vísandi.  

„Ég hugsa að þetta segi okkur ekk­ert um karl­menn, segir okkur mjög lítið um kven­menn og segir okkur dálítið mikið um það hve mikið mark við eigum að taka á skoð­ana­könn­unum.“

Ungir sem aldnir stoppað Viktor út á götu

Svo virð­ist sem að Viktor hafi verið að ein­hverju leyti sann­spár. Samkvæmt könnun sem Prósent vann fyrir Morg­un­blaðið, þar sem gögnum var safnað milli 7. til 12. maí, hefur Viktor aukið fylgið sitt og mælist 1,5 pró­sent fylgi.  

Framboð Viktors var upp­haf­lega úrskurðað ógilt af Lands­kjör­stjórn vegna ágalla á með­mæl­enda­list­anum sem Viktor skil­aði inn. Ákvörð­un­inni var áfrýjað og kjöl­farið voru með­mælin könnuð á ný og Viktori gef­inn frestur til þess að gera lag­fær­ingar á með­mæla­söfn­unni. Eftir þá yfir­ferð úrskurð­aði lands­kjör­stjórn fram­boðið gilt.  

Rétt áður en að Viktor mætti í við­tals­þátt Pressu var hann umkringdur mennta­skóla­nemum að dimmitera. 

þegar þú varst að koma hérna þá varstu umkringdur, mér sýnd­ist þetta vera álfar eða voru þetta ban­anar?

 „Ég sá ban­ana en þeir gátu talað.“

Er verið að stoppa þig úti á götu?

„Já svona síð­ast­liðna viku, en ungir og aldnir,“ segir Viktor sem hefur vakið athygli og hrifn­ingu meðal margra með hrein­skiptnum og hnit­mið­uðum til­svörum í við­tölum og kapp­ræðum.