Mat­væla­ráðu­neytið hefur sent atvinnu­vega­nefnd til­lögur að breyt­ingum á laga­frum­varpi þar sem lax­eld­is­fyr­ir­tækjum lands­ins eru veitt ótíma­bundin rekstr­ar­leyfi til að stunda sjó­kvía­eldi hér við land. Atvinnu­vega­nefnd fékk þessar til­lögur í síð­ustu viku. Ráðu­neytið leggur til nokkrar breyt­ingar á þess­ari grein frum­varps­ins en í öllum þeirra felst að ákvæði um ótíma­bundin rekstr­ar­leyfi er breytt í tíma­bundin leyfi, til 16 ára. Þetta herma heim­ildir blaðs­ins. 

Gísli Rafn Ólafsson, þing­maður Pírata og með­limur í atvinnu­vega­nefnd, segir við Heim­ild­ina að þverpóli­tísk sam­staða hafi verið um það að breyta þess­ari grein frum­varps­ins: „Innan nefnd­ar­innar er eng­inn áhugi á að hafa þetta ótíma­bundið. Þetta kom fram strax á fyrsta fundi þegar frum­varpið var rætt.“ Gísli Rafn segir að þessi and­staða sé „þvert á allar póli­tískur línur“: „Það er greini­legt að sú and­staða sem strax kom upp á frum­varpið í sam­fé­lag­inu þrýsti á það að ráðu­neytið var beðið að breyta þessu. Og þessi and­staða kom frá stjórn­ar­lið­unum í atvinnu­vega­nefnd. Það var alveg greini­legt á þeim að þeir vildu ekki fá þetta ákvæði þarna inn. Nefndin var mjög sam­stíga í því að biðja um þessar breyt­ing­ar­til­lögur og það er ekki mjög algengt að ráðu­neyti sé beðið um slíkar breyt­ingar strax á fyrsta fundi.“

Atvinnu­vega­nefnd mun nú funda og ráða ráðum sínum og reyna að kom­ast að sam­komu­lagi um það hvernig þessi grein frum­varps­ins þar sem rætt er um lengd rekstr­ar­leyf­anna í lax­eld­inu hér við land á að hljóma. 

SamstaðaGísli Rafn Ólafsson segir að sam­staða sé um breyt­ingu í atvinnu­vega­nefnd.

Mynd: Bára Huld Beck

Hörð viðbrögð og endurskoðun ráðuneytisins 

Við­brögðin í sam­fé­lag­inu við þess­ari grein frum­varps­ins um lagar­eldi voru mikil eftir að Heim­ildin fjall­aði um málið þann 19. apríl síð­ast­liðin. Orðrétt sagði í grein­inni að fallið yrði frá því að hafa rekstr­ar­leyfin í grein­inni tíma­bundin og að þau ætti að gera ótíma­bundin í stað­inn: „Ótíma­bundin rekstr­ar­leyfi. Uppfylli rekstr­ar­leyf­is­hafi öll skil­yrði laga þess­ara og reglna settra með stoð í þeim skal rekstr­ar­leyfi til sjó­kvía­eldis vera ótíma­bundið. Rekstr­ar­leyfi skulu sæta breyt­ingum sam­kvæmt lögum og reglum á hverjum tíma sem og aft­ur­köllun skv. XII. kafla.“

Harðar umræður voru um málið á Alþingi þegar Bjarkey Gunn­ars­dóttir mat­væla­ráð­herra mælti fyrir frum­varp­inu seint í apríl og sagði Kristrún Frosta­dóttir, for­maður Sam­fylk­ing­ar­innar meðal ann­ars um það: „Hvers konar þjóð­ar­eign er það að gefa þessi leyfi með var­an­legum hætti til einka­að­ila? Hver eru rökin og hvað breytt­ist? Af hverju mega þessi leyfi ekki vera tíma­bundin eins og flest önnur nýt­ing­ar­leyfi á nátt­úru­auð­lindum? Meira að segja í orku­vinnslu þar sem fjár­fest­ingar eru sann­ar­lega bundnar til langs tíma og borga sig til baka yfir margra ára­tuga tíma­bil fá orku­fyr­ir­tækin ekki nema tíma­bundin rekstr­ar­leyfi.“

Bjarkey Gunn­ars­dóttir mat­væla­ráð­herra sagði í kjöl­farið að hún ætl­aði að breyta grein­inni í frum­varp­inu:  „Ég heyri það alveg að rétt­sýni almenn­ings og lög­fræðin fara ekk­ert endi­lega saman í þessu máli. [...] Og mér og þing­inu ber að hlusta á það. Og ég er til­búin að fara í tíma­bundin leyfi.“

Bjarkey hefur nú gert þetta.