Katrín segir þjóðina munu skera úr um hæfi sitt í embætti forseta

Á blaða­manna­fundi sem Katrín Jak­obs­dóttir hélt í Hörpu í dag, sagð­ist hún telja sig hæfa til þess að gegna emb­ætti for­seta Íslands, þrátt fyrir náin tengsl sín við sitj­andi ráð­herra og þing­menn. 

„Það er hins vegar þannig að for­set­inn er auð­vitað ekki van­hæfur gagn­vart lögum og verður að gæta þess í sínum ákvörð­unum að hann gæti hlut­leysis og taki ígrund­aðar ákvarð­anir.“

Hún segir spurn­ing­una snú­ast um hvort hún treysti sér til þess þrátt fyrir að þekkja per­sónur og leik­endur á sviði stjórn­mál­anna. „Svar mitt við því er já.“ 

Segir skoðanakannanir ekki hafa upplýst ákvörðun sína

Aðspurð hvort það sé sann­gjarnt að túlka það sem svo að hún sé með ákvörðun sinni að flýja sökkvandi skip segir Katrín að það megi alveg stilla því upp þannig. 

„Það er hins vegar ekki útaf skoð­ana­könn­unum sem ég tek þessa ákvörðun.“ 

Þá seg­ist Katrín ekki vera full eft­ir­sjár að stjórn­mála­ferli sínum loknum. „Ég hef staðið í þess­ari bar­áttu stjórn­málana í ríf­lega 20 ár, gert margt gott, ekki náð öllu fram. Svo bara stundum er tím­inn kom­inn og þá verður maður bara að segja það gott.“    

Rákust á annan frambjóðanda á leið á blaðamannafund

Á leið af blaða­manna­fundi Katrínar hittu blað­menn Heim­ild­ar­innar einn margra mót­fram­bjóð­enda Katrínar í kom­andi kosn­ingum. Steinunn Ólína Þor­steins­dóttir lýsti á dög­unum yfir fram­boði til for­seta. Í við­tali á Hafn­ar­torgi sagð­ist hún verða góður for­seti og að henni lít­ist vel á að flytja í Garðabæ, fari svo að hún verði kosin.