Helga Þór­is­dóttir, for­stjóri Per­sónu­verndar, mun gefa kost á sér til emb­ættis for­seta Íslands. Þetta til­kynnti hún á blaða­manna­fundi á heim­ili sínu í hádeg­inu.

Í ávarpi sínu sagð­ist Helga vilja styðja við fræða­sam­fé­lagið, menn­ing­una og atvinnu­lífið í land­inu. Hún sagð­ist enn fremur hafa stýrt mik­il­vægri rík­is­stofnun, þ.e. Per­sónu­vernd, stundum í ólgu­sjó. „Á þeirri veg­ferð hef ég sýnt að ég er óhrædd við að taka erf­iðar ákvarð­anir,“ segir Helga.

Áherslu­at­riði hennar eru meðal ann­ars að vera þjónn fólks­ins í land­inu, vera málsvari íslensks drif­krafts og að sýna þekk­ingu, yfir­vegun og áreið­an­leika.

Helga hefur verið for­stjóri Per­sónu­verndar síð­ast­liðin átta ár. Þar á undan starf­aði hún hjá Lyfja­stofnun, sem sviðs­stjóri lög­fræðis­viðs og stað­geng­ill for­stjóra. Árin 2012-2013 var hún settur for­stjóri Lyfja­stofn­unar.

Helga lauk emb­ætt­is­prófi í lög­fræði frá Háskóla Íslands árið 1995. Hún hefur starfað hjá emb­ætti rík­is­sak­sókn­ara, á nefnd­ar­sviði Alþingis, hjá EFTA í Brussel og í mennta­mála­ráðu­neyt­inu. 

Bætist í hópinn

Nýjasti fram­bjóð­and­inn bæt­ist í sífellt stækk­andi hóp. En þegar þetta er skrifað safna 53 und­ir­skriftum á island.is.

Halla Tóm­as­dóttir, for­stjóri B Team, og Baldur Þór­halls­son, pró­fessor í stjórn­mála­fræði, hafa meðal ann­ars til­kynnt fram­boð auk athafna­manns­ins Ástþórs Magn­ús­sonar, Sigríðar Hrundar Pét­urs­dóttur fram­kvæmda­stjóra og Arnars Þórs Jóns­sonar lög­manns.

Þau sem enn eru bendluð við emb­ættið án þess að hafa sagt af né á um fram­boð, til dæmis Jón Gnarr, grínisti og fyrr­ver­andi borg­ar­stjóri. Þá vilja margir að Katrín Jak­obs­dóttir for­sæt­is­ráð­herra fari í fram­boð. Hún hefur verið nokkuð loðin í svörum spurð hvort hún hygg­ist gefa kost á sér.