Breskir dómsstólar munu leyfa Julian Assange að áfrýja framsalsbeiðni Bandaríkjanna. Þetta var úrskurðað í breska hæstaréttinum rétt í þessu. Guardian greinir frá.

Assange á því enn möguleika á því að koma í veg fyrir framsal sitt frá Bretlandi til Bandaríkjanna. En í síðarnefnda landinu á hann yfir höfði sér allt að 175 ára fangelsi fyrir njósnir.

Assange lak, eins og frægt er, trúnaðarupplýsingum um aðgerðir Bandaríkjahers í Afganistan og Írak í gegnum WikiLeaks árin 2010 og 2011. 

Bresk yfirvöld höfðu samþykkt framsalsbeiðni Bandaríkjanna árið 2022. Assange bað þá um leyfi til að áfrýja þeim úrskurði, sem hann hefur nú fengið. Hefði áfrýjunarbeiðninni verið hafnað hefðu öll sund verið lokuð Assange í Bretlandi og fátt geta komið í veg fyrir framsal hans til Bandaríkjanna.

Assange er fyrsti útgefandinn og blaðamaðurinn sem er ákærður á grundvelli fornrar njóstnalöggjafar í Bandaríkjunum. Hann …