Innflæði úr dýpri kviku­geymsl­unni, sem er á 10 til 15 kíló­metra dýpi, inn í grynnri kviku­geymsl­una, sem er á 4 til 5 kíló­metra dýpi hefur helm­ing­ast. „Fræðin segja okkur að kvika getur ekki lengur við­haldið risi um sprungu í skorp­unni ef flæðið fellur niður fyrir 2-3 rúmmetra á sek­úndu,“ þetta kemur fram á Facebook-síðu Rann­sókn­ar­grein­ingu í eld­fjalla­fræði og nátt­úruvá við Háskóla Íslands. 

Umbrotin á Sund­hnúka­gíga­röð­inni gætu tekið enda innan eins til tveggja mán­aða ef það heldur áfram að draga úr inn­flæði inn í grynnri kviku­geymsl­una með þessum hraða. Ef að hrað­inn helst sá sami og hann er núna mun flæðið falla „niður fyrir þrjá rúmmetra á sek­úndu eftir um það bil mánuð (þ.e., ~27 daga) og niður fyrir 2 rúmmetra á sek­úndu innan tveggja mán­aða (þ.e., ~52 daga).“