Viktoría Her­manns­dóttir fer á flug að tala um gamla hluti – eða öllu heldur sög­urnar sem geta búið í gömlum hlutum, sama hversu ómerki­legir þeir kunna að sýn­ast. Þannig minnti hún sjálf á sög­una þegar Lína Langsokkur dró Önnu og Tomma út að leita að fjár­sjóði, upp­numin þegar hún fann fjár­sjóð­inn sinn í gam­alli fötu.

Í kvöld hefst þriðja sjón­varps­þátta­röðin af Fyrir alla muni – á RÚV. En fyrir þá sem ekki vita er rýnt í gamla hluti í þátt­unum, ef grunur leikur á að þeir teng­ist áhuga­verðri og jafn­vel ótrú­legri sögu. Þannig gefst sam­fé­lag­inu kostur á að taka þátt í ævin­týr­inu með því að láta vita af gömlum munum sem mögu­lega hafa að geyma merka sögu.

Þættina gerir Viktoría ásamt Sigurði Helga Pálma­syni, en þau kynnt­ust fyrir nokkrum árum þegar hún ætl­aði að kíkja í safn­ara­búð hjá honum. „Það var þannig að ég var að gera útvarps­þætti um safn­ara …