„Það sem svo hefur komið fyrir augu almenn­ings að und­an­förnu varð­andi afstöðu ýmissa til fólks í leit að vernd og þeim verk­efnum sem því fylgja hefur legið þungt á mér, já og greini­lega þyngra en ég gerði mér grein fyrir,“ skrifar Helga Vala Helga­dóttir lög­fræð­ingur, fyrrum þing­maður Sam­fylk­ing­ar­innar í færslu á Facebook.

Helga Vala sagði skilið við þing­mennsku fyrir Sam­fylk­ing­una í fyrra, á miðju kjör­tíma­bili, eftir að hafa setið á þingi síðan 2017. Ástæðan sem fyrir því var gefin var ósk hennar að snúa sér aftur að lög­mennsku.

Við Facebook-færsl­una frá því fyrr í dag deildi Helga Vala pistli sem vara­þing­maður Sam­fylk­ing­ar­innar og for­maður flokks­ins í Garðabæ skrif­uðu á Vísi. Þar segja pistla­höf­undar meðal ann­ars að það gangi gegn jafn­að­ar­stefn­unni að tala um fjölda hæl­is­leit­enda sem ógn við inn­viði á Íslandi. 

Í færslu sinni segir Helga Vala að hún aðhyllist jafn­að­ar­stefnu. „Þar eru ákveðin prinsipp …