Árs­reikn­ingur Play fyrir rekstr­ar­árið 2023 kom út í gær. Í afkomutil­kynn­ingu fyr­ir­tæk­is­ins sem ber yfir­skrift­ina „Ár mik­ils vaxtar og fram­fara,“ er sagt frá því að tekjur fyr­ir­tæk­is­ins hafi tvö­fald­ast á milli ára og stefnt sé að örum vexti á nýju ári.

Heild­ar­tap Play var um 4,9 millj­arðar króna árið 2023, en fyr­ir­tækið gat bók­fært skatta­lega inn­eign til þess að draga úr rúm­lega 6,3 millj­arða króna rekstr­ar­tapi.

Árið 2022 var heild­ar­tap Play 6,5 millj­arðar króna miðað við gengi Banda­ríkja­dals í árs­lok 2022, en gjald­mið­il­inn er upp­gjörs­mynt fyr­ir­tæk­is­ins. Árið 2021 tap­aði Play um 3,2 millj­örðum króna. Samtals hefur fyr­ir­tækið því tapað um fimmtán millj­örðum króna frá því það tók til starfa í júní 2021. 

Hugsanlegt hlutafjárútboð í vændum

Í til­kynn­ingu Play er greint frá því að fyr­ir­tækið stefni á frek­ari hluta­fjár­aukn­ingu á árinu til þess að styrkja fjár­hags­lega stöðu fyr­ir­tæk­is­ins. Mun fyr­ir­tækið sækj­ast eftir heim­ild fyrir útboð­inu frá stjórn félags­ins á aðal­fundi félags­ins í mars. Fyr­ir­tækið áætlar að sækja sér um þrjá til fjóra millj­arða króna í hluta­fjár­út­boð­inu. Þrjú ráð­gjafa­fyr­ir­tæki, Arctica Finance, Fossar fjár­fest­inga­banki og Greenhill (Mizuho) munu hafa umsjón með sölu­ferl­inu.

For­send­urnar að baki hluta­fjár­aukn­ing­unni eru sagðar vera ítrekuð ytri áföll sem félagið hefur þurft að glíma við frá því það var stofnað. Þar ber helst að nefna nei­kvæð áhrif sem jarð­hrær­ing­arnar á Reykja­nesskag­anum, og eld­gosið sem hófst í gær, hafa haft á bók­anir hjá fyr­ir­tæk­inu.

Um tals­verðan við­snún­ing er að ræða hjá stjórn Play en í sept­em­ber í fyrra til­kynnti félagið að það myndi ekki sækj­ast eftir frek­ari hlutafé miðað við þáver­andi mark­aðs­að­stæður. Félagið jók síð­ast hlutafé sitt í nóv­em­ber 2022 og tókst þá að safna um 2,3 millj­örðum króna með samn­ingum við stærstu hlut­hafa fyr­ir­tæk­is­ins.

Stefna á Aðalmarkað  

Í frétta­til­kynn­ingu Play kemur fram að fyr­ir­tækið hefur hafið und­ir­bún­ing við skrán­ingu félags­ins á Aðal­markað Nasdaq á Íslandi. Hingað til hefur félagið verið skráð Nasdaq First North Growth mark­aðnum.

Þá segir að gert sé ráð fyrir því „yfir­færslan geti átt sér stað á fyrri helm­ingi árs­ins.“ Félagið hefur fengið fjár­mála­fyr­ir­tæk­inu Arctica Finance það verk­efni að að hafa umsjón með skrán­ing­ar­ferl­inu.

Óvissa um rekstrarhæfi félagsins

Í árs­reikn­ingi Play er lýst áhyggjum yfir tap­rekstri fyr­ir­tæk­is­ins og óvissa ríki um rekstr­ar­hæfi fyr­ir­tæk­is­ins. Þrátt fyrir að stefnt sé að því að styrkja lausa­fjár­stöðu og tryggja áfram­hald­andi vöxt með hluta­fjár­út­boði er enn tals­verð óvissa uppi um rekstr­ar­hæfi fyr­ir­tæk­is­ins.

Gengi Play stendur nú í 5,6 krónum á hlut og hefur gengið aldrei verið lægra. Til sam­an­burðar var útboðs­gengi Play 20 krónur á hlut fyrir til­boð undir 20 milljón krónur og 18 krónur á hlut fyrir til­boð yfir 20 millj­ónum króna í hlut­fjár­út­boði sem fór fram í aðdrag­anda þess þegar félagið skráði sig á First North mark­að­inn árið 2021.