„Við íslenskir nemendur neitum því að Ísland verði samsekt í þjóðarmorði“

Skipu­lögðu krakka­mót­mælinHug­myndin af mót­mæl­unum spratt upp hjá nokkrum nem­endum í Haga­skóla þegar þau heim­sóttu tjald­ið­búð­irnar sem stóðu á Aust­ur­velli í jan­úar.

Mynd: Golli

„Íslensk stjórn­völd eru ekki að gera nóg til þess að aðstoða palest­ínsku þjóð­ina. Því erum við komin hérna í dag, íslenskir nem­endur, til að styðja Palest­ínu og palest­ínskt fólk á Íslandi.“

Stór hópur nem­enda úr skólum höf­uð­borg­ar­svæð­is­ins var mættur á Aust­ur­völl í dag til að mót­mæla og styðja Palest­ínu. Nemendur í 8. bekk í Haga­skóla efndu til mót­mæl­anna og héldu úti Instagram síð­unni Skóla­verk­fall Palest­ínu.

Blaða­maður Heim­ild­ar­innar náði tali af skipu­leggj­endum fyrir utan Haga­skóla áður en gengið var af stað á Aust­ur­völl. Hug­myndin að mót­mæl­unum spratt upp þegar þau heim­sóttu tjald­búðir sem stóðu á Aust­ur­velli í jan­úar. „Við erum að mót­mæla þjóð­ar­morði í Palest­ínu.“

Kröfur nemendanna eru fimm:

1. Að íslensk stjórn­völd veiti flótta­fólki frá Palest­ínu þá sam­ein­ingu sem búið er að sam­þykkja og sækja fjöl­skyld­urnar út af Gasa og komi þeim heim til Íslands strax!
2. Að Palest­ínskt fólk á flótta fái alþjóð­lega vernd og brott­vís­unum verði hætt!
3. Að Ísland taki afstöðu gegn þjóð­ar­morð­inu sem Ísra­els­her er að fremja á Gasa
4. Að Palest­ínsku fólki sem er búið að vera að mót­mæla á Aust­ur­velli fái fund með dóms­mála­ráð­herra og utan­rík­is­ráð­herra Íslands.
5. Að Ísland geri allt sem það geti á alþjóða­vett­vangi til þess að þrýsta á vopna­hlé og enda­lok her­náms­ins í Palest­ínu.

Vilja nýja rík­is­stjórn straxNemendur hróp­uðu „frjáls, frjáls Palest­ína.“

Mynd: Golli

„Stjórn­völd! Hættið að brott­vísa fólki á flótta undan þjóð­ar­morði úr landi. Sameinið fjöl­skyld­urnar eins og um var samið. Takið afstöðu gegn þjóð­ar­morði og beitið ykkur fyrir vopna­hlé og frjálsri Palest­ínu á alþjóða­vett­vangi. Við íslenskir nem­endur neitum því að Ísland verði sam­sekt þjóð­ar­morði,“ sögðu nem­endur Haga­skóla í ræðu á Aust­ur­velli í dag.

Vill ekki að Ísland taki þátt í Eurovison

Ingólfur Har­alds­son, nem­andi í Tjarna­skóla, sagð­ist mót­mæla „fyrir Palest­ínu. Það er ekki gott það sem er að ger­ast í Palest­ínu núna og við viljum alls ekki hafa þetta svona. Við viljum hafa frið. Þessi stjórn­völd eru ekki að gera neitt í þessu og þau eru einu sem geta gert eitt­hvað í þessu“.

Mótmælin að mestu frið­sælEggja­bakar gengu á milli mót­mæl­enda.

Mynd: Golli

„Þetta er bara þjóð­ar­morð og það er ekk­ert verið að gera í því,“ sagði Arnaldur Árnason, nem­andi í Tjarn­ar­skóla. „Þetta er bara mjög skrítið, til dæmis með Eurovision. Rússar mega ekki keppa en samt má Ísrael keppa. Þetta er við­bjóður. Ég skil ekki af hverju það er verið að leyfa svona“ Arnaldur vill ekki að Ísland taki þátt í Eurovision. „Mér finnst eins og það ætti að vera sama ástæða að Ísrael má ekki keppa eins og Rússland. Það er ekki gert neitt í þessu.“ 

Mótmælin voru að mestu frið­sæl en lög­reglan þurfti að hafa afskipti af nokk­urum ung­mennum sem tóku upp á því að kasta eggjum í þing­húsið. 

EggjakastNokkur ung­menni í hópi mót­mæl­enda köst­uðu eggjum í þing­húsið.

Mynd: Golli