Virðist hætt að gjósa úr sprungunni sem tók húsin

Það virð­ist ekki lengur gjósa úr sprung­unni sem opn­að­ist innan varn­ar­garða, og við bæj­ar­mörk Grinda­víkur, með þeim afleið­ingum að þrjú hús fóru undir hraun í gær. Hraun­straumur úr þeirri sprungu virð­ist alveg hafa stöðvast. Þetta kemur fram á vef RÚV. Ekki er að sjá að fleiri hús hafi orðið hraun­inu að bráð, en þau sem það urðu stóðu öll við göt­una Efrahóp í Grinda­vík.

Þar er rætt við Elísa­betu Pálma­dóttur, nátt­úru­vá­r­sér­fræð­ing á Veð­ur­stofu Íslands, sem segir að hraun­flæðið úr fyrri sprung­unni sem opn­að­ist, og var mun stærri, hafi minnkað og að gas frá eld­stöðv­unum blási á haf út. 

Af myndum að dæma virð­ist þorri þess hrauns sem rann úr stærri sprung­unni hafa runnið með­fram varn­ar­garð­inum sem verið var að reisa við Grinda­vík þegar gosið hófst rétt fyrir klukkan átta í gær­morgun. 

Nóttin var að mestu tíð­inda­lítið og hraun­rennslið úr gos­inu virð­ist minna en ótt­ast var. 

Skemmdir á innviðum og verðmætabjörgun

Miklar skemmdir hafa orðið á innviðum í Grinda­vík. Rafmagns- og hita­vatns­laust er í bænum og lagnir, sem þegar hafa hreyfst veru­lega til og í ein­hverjum til­vikum farið undir hraun, gætu skemmst hratt í því frosti sem er framundan tak­ist ekki að koma heitu vatni á bæinn fljót­lega. 

Í Morg­un­blað­inu í dag er greint frá því að menn sem sáust hlaupa í átt að gos­inu skömmu eftir að það hófst til að bjarga vinnu­vélum sem voru á svæð­inu hafi tek­ist að bjarga verð­mætum upp á um 800 millj­ónir króna. Alls tóku átta menn þátt í þeim aðgerðum, þar af tveir björg­un­ar­sveit­ar­menn sem voru með gasmæla og vökt­uðu svæðið.

Aðgerðir kynntar í dag

Katrín Jak­obs­dóttir for­sæt­is­ráð­herra boð­aði stór­auknar stuðn­ings­að­gerðir fyrir Grind­vík­inga á blaða­manna­fundi almanna­varna í gær en fór ekki yfir nákvæm­lega í hverju þær muni fel­ast. Grind­vík­ingum verði tryggður auk­inn aðgangur að sál­gæslu og annarri bak­þjón­ustu og í dag mun rík­is­stjórn Íslands funda um útfærslu frek­ari stuðn­ings­að­gerða. 

Þær munu snú­ast um hús­næð­is­mál, afkomu fólks í Grinda­vík og stuðn­ing við fyr­ir­tæki í bænum. „Við munum setja stór­auk­inn kraft í að kaupa íbúðir til að tryggja aðgengi að hús­næði fyrir Grind­vík­inga sem er ekki nægi­lega gott nú.“ Mark­miðið sé að koma öllum sem eru í skammtima­hús­næði í örugg­ari stöðu eins fljótt og kostur er. „Við munum flýta, eins og kostur er, allri vinnu við upp­gjör á tjóni í sam­vinnu við sveit­ar­fé­lagið.“