Þor­steinn Már Bald­vins­son, for­stjóri og eig­andi Sam­herj­a­sam­stæð­unnar um ára­tuga­skeið, festi nýlega kaup á fjalla­skála fyrir utan litla skíða­bæ­inn Hafjell í austur Noregi. Norski fjöl­mið­ill­inn DN greindi frá þessu fyrr í mán­uð­inum.

Skálinn er 254 fer­metra nýbygg­ing. Upp­haf­legt verð skál­ans var 23,9 millj­ónir norskra króna, sem nemur 316.240.000 íslenskra króna. Skálinn hefur staðið á sölu í ár og keypti Þor­steinn hann á 20 millj­ónir norskra króna eða 264.636.000 íslenskra króna. Hægt er að sjá mynd af skál­anum hér. 

Í svari Þor­steins Más til norska fjöl­mið­ils­ins DN seg­ist hann ekki vera að flytja til Noregs. Hann sé að smíða skip í Noregi en þess að auki á hann nokkrar fjár­fest­ingar í Noregi.

Heild­ar­árs­tekjur Þor­steins Más voru um 357 millj­ónir króna í fyrra sam­kvæmt Hátekju­lista Heim­ild­ar­innar. Eigið fé þeirra félaga sem mynda Sam­herj­a­sam­stæð­una, og voru lengi vel að stórum hluta í eigu Þor­steins Más, Helgu S. Guð­munds­dóttur fyrr­ver­andi eig­in­konu hans og Krist­jáns Vil­helms­sonar, útgerð­ar­stjóra Samherja, var um 160 millj­arðar króna í lok árs 2021. Þau færðu eign­ar­haldið á Samherja hf. til barna sinna árið 2020 og seldu erlenda starf­semi sam­stæð­unnar til Baldvins Þor­steins­sonar, sonar Þor­steins Más, í lok síð­asta árs. 

Auður Þor­steins Más var met­inn á um 110 millj­arða króna af Frjálsri verslun í apríl síð­ast­liðnum. 

Baldvin fluttur til Noregs

Baldvin, sem hefur und­an­farin ár stýrt erlendri starf­semi Samherja, býr nú ásamt fjöl­skyldu sinni í bænum Jar í Noregi. Þaðan rekur hann sjáv­ar­út­vegs­fyr­ir­tækið Öldu Seafood. Baldvin er með skráð lög­heim­ili sitt í Noregi en það var áður skráð í Hollandi þar sem hann bjó og leiddi alþjóð­­lega starf­­semi Sam­herja.

Í smá­skila­boðum sem hann sendi DN sagði Baldvin að Noregur hefði alltaf verið mik­il­vægt við­skipta­land fyrir Sam­herj­a­sam­stæð­una. Hún væri að byggja þar skip auk þess sem hún stæði í öðrum fjár­fest­ingum þar í landi. „Ég hef áður búið á meg­in­land­inu. Noregur, með nálægð sína við Ísland, er þægi­legri staður fyrir mig að búa.“

Keypti Öldu fyrir óuppgefið verð

Alda Seafood hefur haldið utan um erlenda starf­semi Sam­herj­a­sam­stæð­unn­ar, fyr­ir­tæki á sviði veiða, vinnslu og sölu sjá­v­­­ar­af­­urða í Evr­­ópu og Norð­­ur­-Am­er­íku. Fjár­fest­inga­fé­lagið Sæból til­heyrir líka Öldu. Það félag á tvö dótt­­­­­ur­­­­­fé­lög, Esju Shipp­ing Ltd. og Esju Seafood Ltd. sem bæði eru með heim­il­is­­­­­festi á Kýp­­­­­ur. Þau félög héldu meðal ann­­­­­ars utan um veiðar Sam­herja í Namib­­­­­íu, þar sem sam­­­­­stæðan og stjórn­­­­­endur hennar eru nú grun­aðir um að hafa greitt mútur til að kom­­­­­ast yfir ódýran kvóta. Alda Seafood á 40 pró­sent af norska útgerð­ar­fé­lag­inu Eskøy, en sam­kvæmt norskum lögum mega útlend­ingar eiga að hámarki 40 pró­sent í norskum útgerðum. Auk þess á Sæból þrjú dótt­ur­fé­lög í Fær­eyj­um, þar á meðal Spf Tind­hólm.

Baldvin keypti Öldu Seafood af Samherja Holding undir lok síð­asta árs. Í frétt Morg­un­blaðs­ins af kaup­unum var haft eftir Þor­steini Má að ástæðan fyrir söl­unni væru kyn­slóða­skipti sem átt hafi sér stað innan Sam­herja, og að salan á Öldu væri eðli­legt fram­hald af því. „Við telj­um að fé­lagið sé vel komið í hans hönd­um og þeirra stjórn­­enda sem hafa starfað þar.“  Í frétt Morg­un­blaðs­ins var ekki greint frá því á hvaða verði Bald­vin keypti Öldu Seafood né hvernig kaupin voru fjár­mögn­uð og ekki er hægt að sjá hver verð­mið­inn var í árs­reikn­ingi Samherja Holding, sem í dag heitir ESTIA ehf.