Þessi grein birtist fyrir meira en ári.

Reykjavík á móti útvistun starfa nema frumkvæðið komi frá stjórnendum

Fé­lags­manni í Sam­eyki var ný­ver­ið sagt upp störf­um í eld­húsi á leik­skóla í höf­uð­borg­inni. Reykja­vík seg­ist hvorki styðja einka­væð­ingu op­in­ber­ar þjón­ustu né út­vist­un á störf­um. Hún geri þó ekki at­huga­semd við það ef stjórn­end­ur leik- eða grunn­skóla út­visti mötu­neyt­um til einka­að­ila.

Reykjavík á móti útvistun starfa nema frumkvæðið komi frá stjórnendum
Börn Sú þróun hefur átt sér stað að stjórnendur leik- og grunnskóla endurskipuleggi, í auknum mæli, rekstur sinn með því að útvista starfsemi mötuneyta til einkaaðila. Mynd: Unsplash

Félagsmanni í Sameyki sem starfað hefur í eldhúsi leikskóla í Reykjavík var nýverið sagt upp störfum í hagræðingaskyni. Ástæðan var sú að leikskólinn ákvað að fara þá leið að útvista þjónustunni til einkafyrirtækis í stað þess að vera með eigin fast starfsfólk. Frá þessu er greint í nýútkomnu tímariti Sameykis. 

Þar kemur fram að þegar haft var samband við mannauðs- og starfsumhverfissvið Reykjavíkurborgar og spurt hvort það væri stefna borgarinnar að einkavæða opinbera þjónustu, eða hvort um einstaka geðþóttaákvarðanir á vegum stjórnenda hafi verið að ræða, hafi borgin svarað því til að hún styðji hvorki einkavæðingu né útvistun á störfum. Hins vegar sé borgin ekki á móti því ef það kemur til að frumkvæði stjórnenda leikskólans. 

Orðrétt segir í svarinu: „Varðandi fyrirspurn stéttarfélagsins um hvort það sé stefna Reykjavíkurborgar að útvista störfum í eldhúsum í leikskólum borgarinnar er því til að svara að svo er ekki.“

Sú þróun hafi hins vegar átt sér stað að stjórnendur leik- og grunnskóla endurskipuleggi, í auknum mæli, rekstur sinn með þessum hætti. „Þar hefur verið horft til t.d. áhrifa á skipulag daglegs starfs, utanumhald af hálfu starfsstaðar hvað varðar mönnun vegna forfalla, pöntun aðfanga, lager fyrir matvöru og umsjón með réttri geymslu matvæla. Aðkeypt mötuneytisþjónusta felur einnig í sér þjónustu við samsetningu matseðla sem tekur mið af manneldismarkmiðum, matarstefnu og sérþörfum þegar við á, sem er oft á tíðum flókið utanumhald á starfsstöðum sviðsins.“

Í umfjöllun tímarits Sameykis segir að þegar Reykjavíkurborg hafi kallað til einkafyrirtæki sem rekið er með hagnaðarsjónarmið að leiðarljósi svo hægt sé að losna undan þeirri ábyrgð að reka eldhús í leikskóla í borginni hafi strax verið hafist handa við að segja upp starfsfólki. „Það þekkist vel að þegar opinber starfsemi er einkavædd þá hækkar verð á þjónustunni og gæði minnka, auk þess sem eftirlit með réttindum, kaupi og kjörum starfsfólks hverfur sökum þess að slík fyrirtæki ráða til sín verktaka eins og nú er í tísku að kalla „giggara“ og skrifað hefur verið áður um í tímarit Sameykis.“

Kjósa
8
Hvernig finnst þér þessi grein? Skráðu þig inn til að kjósa.

Athugasemdir

Skráðu þig inn til að skrifa athugasemd eða kjósa.
Allar athugasemdir eru ábyrgð á þeirra sem þær skrifa. Heimildin áskilur sér rétt til að fjarlægja ærumeiðandi og óviðeigandi athugasemdir. Hægt er að láta vita af athugasemdum með því að smella á Tilkynna.

Mest lesið

Siðferðisspurningar vakna vegna uppbyggingar Andra og Birgis
2
Fréttir

Sið­ferð­is­spurn­ing­ar vakna vegna upp­bygg­ing­ar Andra og Birg­is

Fjár­fest­ar sem eru sak­að­ir um að hafa milli­göngu um iðn­að­ar­njósn­ir fyr­ir millj­arða­mær­ing­inn Björgólf Thor Björgólfs­son vilja reisa þétt­býlt hverfi í um tveggja kíló­metra fjar­lægð frá vatns­vernd­ar­svæði höf­uð­borg­ar­svæð­is­ins. Svo virð­ist sem eng­in krafa sé uppi um sið­ferði fjár­festa þeg­ar kem­ur að Kópa­vogs­bæ.

Mest lesið

Mest lesið í vikunni

Siðferðisspurningar vakna vegna uppbyggingar Andra og Birgis
4
Fréttir

Sið­ferð­is­spurn­ing­ar vakna vegna upp­bygg­ing­ar Andra og Birg­is

Fjár­fest­ar sem eru sak­að­ir um að hafa milli­göngu um iðn­að­ar­njósn­ir fyr­ir millj­arða­mær­ing­inn Björgólf Thor Björgólfs­son vilja reisa þétt­býlt hverfi í um tveggja kíló­metra fjar­lægð frá vatns­vernd­ar­svæði höf­uð­borg­ar­svæð­is­ins. Svo virð­ist sem eng­in krafa sé uppi um sið­ferði fjár­festa þeg­ar kem­ur að Kópa­vogs­bæ.

Mest lesið í mánuðinum

Margeir fær milljónir í bætur – Hafði áreitt samstarfskonu hjá lögreglunni
6
Fréttir

Mar­geir fær millj­ón­ir í bæt­ur – Hafði áreitt sam­starfs­konu hjá lög­regl­unni

Ís­lenska rík­ið þarf að greiða Mar­geiri Sveins­syni að­stoð­ar­yf­ir­lög­reglu­þjóni miska­bæt­ur fyr­ir að hafa færð­ur til í starfi eft­ir að sam­starfs­kona hans sak­aði hann um of­beldi og áreitni. Lög­reglu­stjóri til­kynnti hér­aðssak­sókn­ara um hugs­an­lega refsi­verða hátt­semi Mar­geirs en mál­inu var vís­að frá.

Mest lesið í mánuðinum

Nýtt efni

Mest lesið undanfarið ár

Loka auglýsingu