Grindavík rýmd af öryggisástæðum – Brennisteinsdíoxíð mælist

Almanna­varnir sendu boð um rým­ingu af örygg­is­á­stæðum á þriðja tím­anum í dag vegna gasmæl­inga. Úlfar Lúð­víks­son, lög­reglu­stjóri á Suð­ur­nesjum, segir í sam­tali við Vísi að lög­reglu hafi borist boð um rým­ingu frá sam­hæf­ing­ar­mið­stöð almanna­varna en boðin hafi síðar verið aft­ur­kölluð. 

Þá hafi hins vegar verið of seint að hætta við. 

„Þetta skot­gekk en þetta er óheppi­legt, en lítið annað að gera fyrir við­bragðs­að­ila,“ segir Lúðvík í sam­tali við Vísi. 

Benedikt Ófeigs­son, fag­stjóri hjá Veð­ur­stof­unni, segir í sam­tali við RÚV að mælar sem voru nýverið settir upp nemi brenni­steins­dí­oxíð (SO₂). Aðrir mælar gefa ekki vís­bend­ingar um að gos sé að hefj­ast. Lög­reglu­stjór­inn á Suð­ur­nesjum tók ákvörðun um rým­ingu.

Í til­kynn­ingu frá almanna­vörnum kemur fram að rým­ingin sé af örygg­is­á­stæðum, ekki sé um neyð­ar­rým­ingu að ræða.  

Brenni­steins­dí­oxíð, eða brenni­stein­s­t­ví­ildi, er lit­laus loft­teg­und sem flest fólk finnur lykt af, ef styrk­ur­inn nær u.þ.b. 1000 µg/m3. Brenni­steins­dí­oxíð hefur nei­kvæð áhrif á heilsu manna og hár styrkur brenni­steins­dí­oxíðs getur hindrað öndun, ert augu, nef og háls, valdið köfnun, hósta, önd­un­ar­sjúk­dómum og óþæg­indum í brjósti. Ekki er ljóst hversu hár styrkur gass­ins er sem mælar Veð­ur­stof­unnar sýna. 

Íbúum sem ekki gafst kostur á að sækja eigur sínar í gær voru í bænum en tekin hefur verið ákvörðun um að loka Suð­ur­strand­ar­vegi við gatna­mót Krýsu­vík­ur­vegar og þeim íbúum sem eru í bænum hefur verið gert að yfir­gefa hann. Aðstæður verða end­ur­skoð­aðar á morgun.